[الشيمآء]

السلآم عليكم ,,

شآكرة للجميع مرورهم ,, ما اقدر أرد ع الكل , بس في ردود لازم نرد عليها ^^

المشاركة الأصلية كتبت بواسطة s a l m a n مبروك للجميع وإن شاء الله تكون النتائج مرضية للكل بس عندي نقطة: ليش الناس تحسب إنو لمن تنتهي السنة التحضيرية خلاص حتسهل الأمور الدراسة الحقيقية تبدأ بعدين لأنو كل اللي بناخذه الحين أشياء سطحية فقط

المشاركة الأصلية كتبت بواسطة s a l m a n أي إنسان يعرف هدفه ومخطط له كويس يكون مرتاح البال بس مشكلة مجتمعنا ما عود الطلاب يبحثوا عن ذواتهم ويكتشفوا المجالات المناسبة اللي حيبدعوا فيها؛ عشان كدا الواحد مهما كان معدله وذكاؤه لو ما درس نفسه تمام ووضع خطط لتحقيق أحلامه حيعيش في هم وغم وخوف من المستقبل وترا المعدل بعد السنة التحضيرية مهم جدا للي يدور على وظيفة في مكان محترم؛ يعني حتكرفوا حتكرفوا ^_^ وترا احنا في مقتبل العمر لسه حنواجه مشاق ومصاعب حتخلينا نحن لهذه الأيام ؛قال تعالى:(ولقد خلقنا الإنسان في كبد )

آميــــــن يآرب إياك و إن شاء الله ربنا ما يضيع تعب أحد ,, ^^

اللي يظن إنو السنة التحضيرية هي آخر الصعوبات اللي ح يواجهها فـ دآ يتحمل اللي ح يشوفو لمن يتخصص,
بس حاجات صعبة و كرف في شي تحبو و تستمع فيه أهون من لمن تكرف لـ مجرد ( تجميع درجات ) !!! خاصة انو اللي يدخل الشي اللي يناسبو ما ح يتعب كتيـــر, عشان عقلو مبرمج انو ح يدرس دهـ الشي, حتى لو كان جديد عليه تماماً ,,

أتفق معاك في نقطة المجتمع !
أنا كنت أحسب نفسي رياضيات و خلاص ح أدخل رياضيات إن شاء الله !
لكن بس بدأت الدراسة في الجامعة و بس كم أسبوع , اكتشفت إنو لاء, ما ينفع دهـ التخصص ,
و غير كدهـ حاطين مستويات للتخصصات شي هاي هاي , و شي مرررة مو مقبول , مع انو أي تخصص مهم , و ح يفيد الناس لمن اللي يدخلو يكون أهل ليه ,,
^_____^

* إلا سؤال, مين قال في الموضوع انو ح نخلص من التحضيري و انها آخر شي صعب ! *

شآكرة لك حضورك ,, =)