[دافئ الإحساس]

تسلمي صراحة يا بنت ابوها

على دا الموضوع الشيق والمثير للمجادلة بل والحيرة كمان
..........

وذكرتيني بالفيديو حق أحمد الشقيري اللي كان

يتكلم عن المستقبل واختيارنا للتخصص
.......

الموضوع زي ما قلت مهم جدا

ولكن نجي نفكر بشكل تاني او بطريقة افضل

هادي الايام اش طالبين ..اكثر شئ

عشان نكون صريحين مع بعض

انا اقلكم اكثر شئ مطلوب في السوق

تخيلوا انو ادارة عامة مطلوبة بشكل ما تتخيلوا

يعني كلية الاقتصاد والادارة

بعدين برواتب جيدة..لا بأس فيها

لكن اذا فكرنا في السمعه وكلام الناس>اللي لا يودي ولا يجيب.

وشوفوا الدكتزر راح والدكتور جا

يعني اذا فكرنا من دي الناحية راح ناكلها على راسنا

لانو في كلمة انا قلتها اول وراح اعيدها تاني مره

انو في طلاب كتيييير حولوا من طب الى ادارة واقتصاد

وماشاء الله عليهم اكثرهم رفعوا معدلاتهم لــ5
واتخرجوا وشافولهم احلى وظيفة

هنا الناس اللي عرفت كيف تختار تخصصاتها صح

صحيح انو غلطوا في البداية لكن نجحوا في الاخير

وانا هادا كلامي مو معناتو لا تدخلوا طب ومو شرط

لا لا انا قصدي يعني زي ما يقولوا خلي الطب لاهلوا

ويارب نكون من اهلوا ونكون قدها وقدود

وانا هنا يامراد مو قصدي اني اخوف احد لا ياباشا

بس انا حبيت انصح اللي ما لقي من ينصحوا

لانو في ناس اعرفهم مساكين والله يبكوا دم دحين

وهم اللي نصحوني

وغير كده اعرف واحد دخل الطب السنة اللي فاتت

يقولي قسم بالله اني من قاااااادر اتنفس

يقولي لا تجي طب الا اذا كنت عااااازم من جد

واخيييرا ... اقول لجميع الاعضاء

ان يسألوا انفسهم من قبل السبت

وينتبهوا لاخر مرة واتمنا من كل قلبي

ان لا تكونوا اخترتوا في اختياراتكم

الاختيار الخاطئ

واتمنا للجميع النجاح

محبكم

دافئ الإحساس

ودمتم