[math-969]

السلام عليكم ورحمة الله وبركاته
ماشاء الله عليك بصراحة ماقصرتي
بس يابنات والله ودي أحكيلكم عن معاناتتي
طبعا أنا طالبة من كلية التربية بالفيصلية
وتخيلوا تخيلوا من السنة اللي فاتت بالتحديد الترم الثاني وأنا أراجع مكتب وكيلة الكلية د-فوزية طوله
وماقدرت أدخل وأوصل لها إلا تقريبا قبل اسبوعين
كل مااروح تصرفني السكرتيرة يوم تقولي غايبة ويوم خرجت ويوم مشغولة وأغلب الأيام تقول اجتماع
بصراحة حاجة بجد تقهههههههههههههرررررررررررررررررر
وتخيلوا لما وصلت عندها و كلمتها عن مشكلتنا قالت المسؤولة عن هذا الموضوع وكيلة عمادة شؤون الطالبات
وبطبيعة الحال لما رحت لوكيلة العمادة صرفتني السكرتيرة اول مرة
وثاني مرة نطت في وجهي ممنوع تدخلي واصلا هي مو موجودة و..و...و...
اش تبغين منها وتحقيق طوووويل بعدها قالت خلاص أنا أكلمها عن مشكلتك وراجعيني السبت
الله يعين بروح السبت واشوف نهايتها معاهم
وطبعا مكتب العميدة ماكان حاله أفضل منهم
الظاهر لو ابغى أقابل الملك كان قابلته من زمان مدري مين يحسبون أنفسهم
طبعا انتو ماتعرفوا قد ايش المشاكل اللي احنا عايشين فيها
مطبقين علينا نظامين وتعارض في الانظمة ومشاكل الجداول والمكافئات وكمان اللي زاد الطين بلة
انهم نقلونا لمبنى جديد فصارت حوسة النظام وحوسة المبنى الجديد
والله أحس عندكم ماشاء الله فيه تفاهم من المسؤولين مو زينا
وكمان فيه وضوح في تطبيق الأنظمة والله انكم أحسن مننا بكثير
ياليتها كانت وقفت مشاكلنا على عباية والا بنطلون احنا مشاكلنا في الجداول والمعدلات وعدد المواد الهائل
بس بقيلي كم شهر وأتخرج وأفتك
معليش يابنات طولتها وهي قصيرة بس والله من القهر اللي فيني
ابغاكم تحسوووون فينا
ويقولون اللي يشوف مصايب الناس تهون عنده مصيبته
لا تنسونا من دعواتكم