[همسه حالمه]

السلام عليكم و رحمة الله وبركاته

مرحبا بناس جده اهل الرخى و الشده
كيفكم ان شاء الله كويسين
حابه ادخل في الموضوع دايركت
انا احدى طالبات جامعة الامام محمد بن سعود في الرياض
من قسم اللغات و الترجمه
انا حابه انو ادرس صيفي علشان اخلص المواد الي عندي بدري
لكن في الرياض ما اقدر لانو الاجازه الصيفيه كلها راح اقضيها في جده
فكرت انو اخذها في جده
سألت عن الدراسه الصيفيه عندكم
هل اقدر ولا لا ...؟ قالو لي ايوه فيه امكانيه " الحمد لله "
قالولي تقدري تصيري طالبه زائره و عطوني اوراق فيها شروط و الحمد لله كلها اقدر عليها
كثير من البنات قالو لي انو اختار مادتي الترجمه و الادب للمستوى الثالث لانهم سهلين
حبيت اسأل مين احسن الاستاذات الي يدرسوا هذيل المادتين في الصيف ..؟؟
ايش المواضيع الي تاخذونها في هذيل المادتين ..؟؟
من متى يبدا التسجيل للصيفي ..؟؟
و اذا فيه اشياء مطلوبه مني و انا ماذكرتها ياليت تخبروني فيها
لكم مني جزير الشكر
اختكم : همسه حالمه