[بحر الحرية]

وعليكم السلام:
ما أعرف إزا انتي أخدتي البكالوريوس في اللغة الإنقليزية وصار لك متخرجة من جامعة الطايف أربعة سنوات ، ولا تقصدي من الثانوية ،

لكن لو كنتي متخرجة ببكالوريوس ، فأعتقد إنو أفضل شي إنك تكملي دراسات عليا ( ماستر ) بالخارج عن طريق البعثات ، لأنوو ف الخارج يمديكي تكملي في تخصص غير التخصص اللي أخدتيه ف البكالوريوس ، لكن ف السعودية أعتقد لازم يا تكملي ف نفس تخصصك أو التخصصات المتصلة فيه ، أو تعيدي بكالوريوس من البداية ،
لأنوو شرط تكملة الماستر في القانون ف الملك عبد العزيز ، إنك تكوني حاصلة ع البكالوريوس في قسم الأنظمة أو قسم القضاء ، أو ما يعادلها ، وشروط غيرها كمان ، لكن لو تبغي تعيدي باكالوريوس من أول وجديد ف أعتقد هواا داا الحل اللي عندهم ، داا لو كان نظام الجامعة يسمح بالقبول ، لأنوو كني أتزكر إنو نظام الجامعة ف القبول إنوو ما يكون صار على شهادة الثانوية العامة اكتر من تلاته سنوات .. والله أعلم
لكن انتي حاولي تتواصلي مع الجامعة أو تجي للجامعه بنفسك وتسألي ، يكون أحسلك

لكن لو ما قدرتي تكملي ف جامعة الملك عبد العزيز أو ما سمحولك ، فأعتقد إنوو في كلية عفت أو دار الحكمة فيها تخصص القانون بس ما أعرف طريقتهم فيه كيف.

وعندك حل البعثات للخارج كماان ، واللغة حتفيدك مررررررررره كتيييييييييير ف التخصص داا

وكأني سمعت إنهم فتحوو عندكم ف جامعة الطايف قسم القانون دي السنه ، بس ما أعرف كيف ، لكن أحسوو مررره حيكون معقد ههههههههه ، يعني مو زي جامعة الملك عبد العزيز

إزاا كان حتى نظام جداول بالنت ما عندكم <<< جيت الجامعة قبل شهر جاتني حالة نفسيه ههههههههههه



وكان لكي سؤال إزا كانو طلاب الأدبي يقدرو يدخلو القانون ولا لا؟؟

تخصص القانون أصلن هواا تخصص إداري وإنساني ، يعني تابع لشهادة الثانوية الأدبية واللي زيها.
والعلمية كمان ، لأنها الأشمل.

ع العموم داا رابط قسم القانون ف الجامعة ، إنشاا الله تستفيدي منه ، ولو لقيت أي معلومه إنشاا الله راح أنزلها لكي هناا ..

http://economics.kau.edu.sa/Default....www.kau.edu.sa

الله يوفقك ياارب؛؛ ويبلغك اللي تبغي
باااي