[سبحان الله]

السلام عليكم ورحمة الله

عشان ربي ييسر لنا امورنا حبيت اكمل الموضوع اللي بدئته قبل
http://www.skaau.com/vb/showthread.php?t=170958
يمكن مايستفيد منه احد الأن
ويمكن يفيد في المسابقات الجاية

طيب
زي ماقلنا رحنا السبت على موعد موقع الجامعة,وصلنا قالو ارجعو السبت كيميا وانتو حنكلمكم
طيب مين المترشحات عشان نعرف,ردت المسؤولة انه ماعندها خبر, لكن ,,,حيرسلو لك ماسجات
خرجنا بلا أمل
اي مسجات اللي حتبلغ العدد هذا انه في معمل
مر السبت
الأحد
الإثنين
الثلثاء الساعة 12 الظهر جاني مسج كالتالي
"الإختبار العملي غدا الساعة 9صباحا بمعامل الأحياء ,,,وشكرا"

الربوع 8ونص وانا في المبنى لقيت ورقة A4معلقة بدبوس واحد في برود جنب مكتب رئيسة القسم
ومكتوب فيها, اختبار الفسيولوجي معمل B88,للمرشحات التالية اسمائهم
طبعا النظري حضر مايقارب 50
لكن المرشحات كانو22 تقريبا

وبما اني مو من الجامعة
حست يجي نص ساعة مدري ان Bتعني الدور الثاني, والبنات والمسؤولات يودوني لغرف ارقامها في الثمانينات,لنكتشف كل مرة انها غرف خدمات, اخيرا وصلت الساعة 9ونص بالسلامة

اعتذرت ودخلت
صراحة جو الإختبار كان جدا مريح
ورقتين
السؤال الأول تعرفي على الشريحة
الثاني صورة جهاز مو باين ومطلوب اسمه وبيانين من بياناته
الثالث قطاع طولي في زهرة

يعني الإختبار حلو صح الجهاز ماله داعي, وجابو صورته ملونة بس مممممم مش أد كده, خاصة احنا بنات الكلية اللي ماقد شفنا اجهزة

الإختبار مااخذ ساعة
فيه دكتورتين وفنيتين
فيه مايزيد عن 12 مرشحة
وسمعت الدكتورة تقول خلاص ماحينعاد الإختبار للمتأخرات

المهم
دعواتكم لنا بالتوفيق
والله يكتب الخير للجميع
ولك مجتهد نصيب