[bint aboha]

المشاركة الأصلية كتبت بواسطة ضحية جامعة السلام عليكم ورحمة الله حدخل في الموضوع على طووول p: شوفي ياستي دايما اذا الواحد يبغى يخلي احد يسلم او يغير ديانته يستثيرو بالتصرفات لأن هما من طبعهم السؤال عن الشيء اللي ما يعرفوه او اللي مايعملوه فمثلا هما عندهم الأم فين وفين يسألو عنها فلو جلستي تتكلمي مع امك بالجوال او مع صحباتك قدامها أنا كلمت ماما وقلتلها وقلتلي واحبها وتحبني ووالخ فحتنتبه لهذا الشيء وتحاول تتأكد انو هل علاقتك كدا مع امك من جد وحتسمعك مرة واتنين وتلاتة وبعدها حتسألك انتو ليش كذا ؟؟ وغير كدا بما انو انقلش اكيد حتمر محاضرة في وقت صلاة الضهر <<اقيس على محاضراتي هع فإنتي استأذني منها انو بأروح اصلي ... وأكيد حتسألك فحتقوليلها الله امرنا بكذا والخ وبيني لها انك تحترميها كتيير وقابليها بابتسامة والتحيات وودعيها وزي كدا فأكيد حتسألك بس بعد فترة فحتقوليلها انو عندنا احترام المعلم ومن هذا القبيل * فكرتك مرررة حلوة بس هيا دحين زي اللي قافلة اذنيها وعيونها فلو اعطيتيها كتاب حتستهتر ... لكن افضل وقت تعطيها اياه مع الهدية اللي انتي مقرراها في نهاية الترم قيد شافة تصرفات المسلمين واحترامهم واخلاقهم الحقيقية وتمسكهم بدينهم .. * وبصراحة هاذي مهمة جدا قوية ودقيقة تحتاج لواحد صبور ويتدرج في الشيء حبة حبة الين مايوصلو للاسلام الكامل لأن إذا عرفت الاسلام وقدر الله انها تسلم ومالقيت احد يوجهها حترتد والعياذ بالله فيبغالك تكوني وراها على طول ولو تتخذيها صديقة من الآن يكون افضل يعني تقوليلها ممكن اعرف ساعاتك المكتبية وتروحيلها وقت فراغها وتجلسي تتكلمي معاها بإستفاضة عن كل شيء حياتها العلمية اش بلدها كيف اتربت كيف جات المملكة انتي اش تتمني تكوني تقوليلها اش تنصحيني وووو وشوفي هذا مقارب لمسألتك من هنـــــــــــــــــا آآآآآآآآآآآآآآآآآآآآسفة ع الإطالة بس من جد شدني الموضوع وتحمست شويتين ان لم تكن شوياااات هع xdd أتمنى اكون افدتك .. وبالتوفيق لنا ولك ياارب في أمان الله

هلا ضحيه جامعيه بالله قوليلي إيش أسوي فيكي إيش تبغي وانا أعطيكي فديييييييييييييييييييتك

كلامك جا ف وقته كلامك شدني بصراحه أكثر وتحمست أكثر من أول الله يسعدكي يارب

وإن شاء الله راح أعمل اللي قلتوه ليا موفقه غلاتي وكلامك ماشاء الله تبارك الله عين العقل

وانا راح أحاول بس إدعولي المشكله ياضحيه إن البنات يعاملوها معامله مو حلوه يعني يضحكوا

ف كلاسها مايهتموا بالكلاس ويعلقوا ع أقل كلمه انا ماأقولك إني ماأضحك بس مو بالطريقه

اللي يسووها حتى هيا تقولنا إنتوا مسلمين طيب ليه تعاملوني كذا يعني شي مخجل والله يعينا

وخذي راحتك قلبوا الموضوع موضوعك فديتك