[طالب ثانوي متخرج]

بعض الاشياء اللي نطلب لها حل وهي -
1- توفير مواقف مظلله لسيارات الطلاب هذا اذا وفروا مواقف عاديه

2-تاخير موعد محاضرة الساعه الواحده ظهرا لمده عشر دقايق
اذكر مره تهاوش واحد كندي مسلم مع الامام اللي في مسجد العماده عشان اقام الصلاه الساعه وحده بالتمام الامام انا اشوفه ما اخطا هذا وقت صلاه ما يقدر يقدمه ولا ياخره المهم الكندي قام صلى في اخر المسجد
انا اشوف الغلط على اللي حط الجدول المفروض يراعى اوقات الصلاه كيف يحط نظام في كلاس الانقلش اذا تاخر الطالب اكثر من خمس دقايق يكتب غائب اعتقد انه لا يعلم بوقت صلاه الظهر ان الصلاه تقام في تمام الساعه الواحده (مهم جدا كثير من الطلاب يعانون منه انا واصدقائي)

3-الله يكرمكم مافي سلات لرمي القمامه فجميع الطلاب يرمونها حيثما كانوا(الا من رحم ربي)

4-المفروض في مراقبه لبعض الطلاب الله يهديهم يقومون باعمال لاتليق بهم كطلاب مثل الاستهزاء على الدكتور اثناء المحاضره واذكر ان في طالب عندنا كان يدخن في الفصل تخيلو محاضره الساعه 8 يالله صباح خير تدخلها ورائحه القاعه كلها دخان والله شي يسد النفس لازم في كاميرات مراقبه اظن انها راح تركب في القريب العاجل

حاس اني طولت عليكم شوي اما على اللي يطالبون بدراجات داخل العماده اقولهم حركوا رجولكم وتنشطو مع الصبح

ومشكور اخوي على طرح الموووضوع من جد جبته على الجرح ياليت يشوفه احد المسؤلين