[رهف الاحساس]

السلام عليكم ورحمة الله وبركاته

زي ما الكل عارف عن النظام الجديد للانقلش والي للأسف طلع القرار متأخر

عموما أنا مررة خايفه من النظام وأتمنى أنو يكون لصالحنا<<معني ماتوقع
انا لن دريت بالخبر من المس على طوول سألتها التغيرات الي سارت لصالحنا
تقوول ان شاءالله بس انا لسع مادرست الموضوع مع نفسي عشان اردلك
حدرسو الموضوع واشوف بس ان شاءالله يكون لصالحكم

الايجابيات في وجهة نظري
*العدل>> من جد مررة حيكون في عدل حتستغربو ليش بدات العدل
لانانا كنت بالسمستر الي فات ليفل تو وجا حظي مع استادات سعوديات فكانو دقيقين ونظاميا بشكل فضييع بالدات حق الرايتنق
اعرف كذا شعبه تديهم مواضيع الرايتنق ويكتبو ويجيبو لها وتصححولهم وبعدين تختبرهم ويكتبو يعني ياخذو 10 وهما مغمضين
وفي شعب كمان قالتلهم الدرجات الي معايه اضمنوها شدوحيلكم بالاختباات وبس فهذا مرررررررة ظلم
* مساواة للجميع >> أقصد انو خلاص منهج وراح يطبق لنا كلنا ومستوانا يكون واحد واختباراتنا حتكون على كلامهم من الكتاب <<معنو مو داخل في راسي>> فحيكون مستوانا واحد مو كل وحده على مستواها تحل زي السمستر الي فات فانظلمو كتيير من البنات الي مستواهم مو مررة بالانقلش
*فرصه لدرجات أحسن بإذن الله>> لو قعدو على كلامهم وانو من الكتاب تجي الاسئله
السلبيات في وجهة نظري
*الاختبارات ومستواها>> زي منتم عارفين انو بناات السنه الي فاتت نظامهم غير عننا فس السمستر الاول على كلامهم تجي الاسئلة من الكتاب بس مررة فيها صعوووبه وكتيير حملو الماده وأعرف كدا وحده تقولي درست السمستر التاني للسنه الي فاتت ودرست السمستر الاول تقولي مررة شتان انتم في رحمه كنتم<<ومع ذالك نحن ماكان عاجبنا
فتمنى انهم يراعو في مستوى الاسئله
*الفاينل<< الفاينل من 40 مررة لا ومحنا عارفين كيف المستوى حيكون ونحن عارفين انو الاختبار الفاينل تبع السمستر الاول مش ولابد فمرررررة خايفه من ذا الشي
*الرايتنق<< مررة شايله همو لانو من المعهد نفسو هل حيكون اسهل من حق الاساتده ؟ أم أصعب؟
تقسيمة الدرجات << ممكن تستغربو من وجهة نظري بس من جد السمستر الي فات ظمنا 25 % الي في يد الاستادات أما الان حنظمن فقط 15 درجه حق البريزنتيشن وبس
سلبياتي ترجع لمستوى الاسئلة
وأخيييييييييييييرا
هل حيكون لصالحنا النظام! أم ضدنا!
وجهة نظري فقط لاغير