[المخترع الكيميائي]

السلام عليكم .ياناس ياهووه ارحمونا احنا انضمينا للجامعة ولا لا ،طيب ليه لخبطة الجداول

والقاعات والمواد .الى الان واحنا في الاسبوع الثالث لاجداول طلعت مضبوطة ولا قاعات ،ولما نسأل يقولوا مافيه قاعات تكفي معقولة الكلية القديمة احسن.وكيف تنزل مواد بدون قاعات ومواد نظري ومانزل حقها العملي .معقول المستوى السادس في الكيمياء قفط تسع ساعات ولما سألنا قالوا مافيه قاعات والثقافة الاسلامية مو الكل حتنزل له لان القاعات ماتكفي ومافيش مواد اختيارية ولا حرة الا الضوئية ومتطلبها الحركية، مر شهر ولا درسنا ولا ترتبت الجداول نسال المرشدات يقولوا كله بيد الشؤون التعليمية والشؤون التعليمية يقولوا كله بيد الجامعة الجداول تنحط من الجامعة بالمواد والقاعات والمواعيد معقوله هذا الكلام هم حقين الجامعة عارفين عدد قاعاتنا ومكانها مع انه لما نروح ندور كثير قاعات فاضية بس الشؤو ن مو فاهمين شئ .الجامعة نزلت جداولهم من الاجازة وبداو دراسة على طول مو زينا هبل .لا والادهى انه التخصص نازل الساعة اثنين ونصف لاربعة بالله عليكم هذا كلام .ومانزل العملي حقه.حضرنا المحاضرة الي فاتت مع الدكتورة وكنا مرة تعبانين ومرهقين حتى الدكتورة استاءت منا هذا واحنا ماكنا دارسين شئ كيف لو كان بعضنا دارسين وخارجين من معمل هلكانين ويرحوا للنظري والله حنكون طافيين والادهي بعضنا عنده من 8-10 وبعدين فاضيين الى اثنين ونصف حتى الدكتورة حاولت تنسق عشان ناخذها بدري بس طلعت مشكلة عند البعض معمل الحيوي عندنا من الساعة 8 معقولة معمل من بدري ونظري متأخر ايش هذه اللخبطة ياناس المعروف انه المعامل والمواد العامة متأخر مو التخصص.والله عجيبة.