[ام حمدان]

المشاركة الأصلية كتبت بواسطة #لولو المورة# طيب شكرا يعني انتي المستوى الرابع طيب1_ كيف اختبار الي اختبرتيه الي عليه 20 2_هل كل الاختبارت على شكل اختياري وصح وخطا ولافي اسئله مقاليه 3_وايش انطباعك عن المستوى الثالث هل صعب ولاسهل معليش على الااطاله لاني متوترة والله يجزاكم الجنه جميعا

ههههه مو انتي لو سمعتي الكلام وقريتي الموضوع من البداية كنتي لقيتي جواب لكل ذي الاستفسارات
بس مع ذلك بحاول افيدك
شوفي الاختبار الي علية 20 هذا عبارة عن موضوع تختارية انتي حره فيه عن اي شي وتحفظية وتروحين لاستاذتك تبع الليسننق وتلقينه عليها غيب بس بطريقة تبين انك فاهمة انتي ايش قاعده تتكلمي عنه وهي بتسألك وتناقشك في موضوعك واحرصي على انك ماتكوني مرتبكة لانهم ينقصون على الشي ذا

بالنسبة لاختبارات كانت منوعه يعني في فقرات اختياري بس قليل المعظم كان عبارة عن كتابة مقالي يعني ماعدا الثقافة الاسلامية والعربي ومبادئ الادارة العامة هذولا كانوا زي التحضيري صح وخطأ واختياري

بالنسبة لمستوى المواد شوفي حبيبتي المواد نفسها حلوه مو صعبة بس المشكلة انهم يطلعون برى الكتاب فالريدنق---القطعة تكون من برى الكتاب وعليها كان 25 درجة

والرايتنق ---الموضوعين المطلوب الكتابة عنها كانت من برى الكتاب بس على حظنا كانت سهلة وإن شاء الله انتوا كمان تكون اسهل مننا
واللسننق--الاسئلة الي تعتمد على المحادثة الي راح تسمعونها والمحادثة نفسها من خارج الكتاب وكان عليها 20 درجة

فأنتي وثقافتك فالانقلش كيف بس على الاقل لو ذكرتي الكتب مضبوط وركزتي بتضمني النجاح بدرجة كويسه فالمواد بس لا تخافي ممكن على حظكم مايطلعون كثير عن المنهج

موفقة