[كلام كليم]

عليكم السلام ورحمة الله وبركاته

هلا وغلا اخوي متخرج ومقبول في الدراسات العليا>>مو مقتنع بكلمة متفرج

انا ذهبت للعمادة يوم الأربعاء 28-6

بصراحة كانت الإجراءات سلسة وخلصت اموري بكل اريحية

جبت لهم اوراقي كاملة وقالوا أسمك وتخصصك وعطيتهم أسمي وتخصصي ودقيقة واحدة وجابوا ملفي من عندهم قالوا لي اعطينا شهادتك الأصل وكشف الدرجات وطابقوها بالأوراق اللي عندهم وردوها لي حتى شهاداتي المصدقة اللي جبتها معي ماشافوها وبعدها طلبوا مني صور شخصية و موافقة العمل أو برنت من الأحوال يثبت انك مازلت طالب واعطيتهم طلباتهم

قالوا دقايق ونعطيك بطاقتك الجامعية بصراحة انفجعت لما قالوا بنعطيك بطاقتك الجامعية >>على باله نظام أول يوعدونا يوم معين نجي نصور في ذيك الغرفة اللي في عمادة القبول عشان نطلع البطاقة

الحين ياخذون صورتك ويحطونها في سكنر و3 دقائق الا وبطاقتك في جيبك

كل هذي الإجراءات ما اخذت اكثر من 10 دقائق

بدون مبالغة ماتوقعت اني بخلصها بهذه السرعة لدرجة إني سألتهم 3 مرات هل هناك اجراءات اخرى أو هل هناك مراجعات أخرى قالوا لي لا نشوفك الا بداية الترم ومع ذلك ماصدقتهم ودخلت على مكتب الإستاذ فيصل البلادي الله يجزاه الجنة وسألته وقال لي نفس الكلام >>نشب لهم


بس مدري بعد كذا عن الكلية وبالتحديد قسمك العلمي هل يحتاج تنسيق معه أم لا


بالتوفيق أخوي الغالي


مراسلكم كلام كليم - جدة