ابقول رأيي الشخصي بعد ماسألت واستفسرت واقتنعت بكلام الاساتذه ..
بالنسبة للمسارات ، اتوقع لو شفتو الخطط حقت المسارات بتعرفون ان افضل الخطط هي المحاسبة العامة لأن الفرق بين كل مسار والآخر هو مواد بسيطة جدا في آخر سمستر فقط .
ولما تجي تقدم عالوظائف ماعمر احد طلب بكالوريوس محاسبة تمويل او محاسبة نظم !!
فدائماً الطلب على محاسبة ، بدون تحديد مسارات .. فماراح نستفيد شي ..
والمحاسبة هي المحاسبة مافيها لف ودوران واحنا ناخذ في طول دراستنا جزء بسيط بس من فروعها ..
يعني مادة مراجعة ١ و ٢ فيه مراجعة حكومية وفيه مراجعة داخلية واحنا اغلب دراستنا متركزه عالخارجية ..
مع التخصص المتقدم في الماستر تقدر تختار المراجعة مثلا ثم المراجعة الداخلية تاخذها زمالة مهنية بالمعاهد الامريكية المعروفة .
مشكلتنا تعجبنا الاسماء ولاندري عن المواد ، في قسمنا معلقين خطط المسارات الثلاثة .
مع العلم ان احد الاساتذه قال لي ان من متطلبات الاعتماد الاكاديمي انه المحاسبة قسم عام ومافيه شي اسمه مسارات بالمحاسبة لازم تتعلم كلشي بالمحاسبة في بكالوريوس واحد .
الشي الثاني اللي هو المواد الاختيارية ، انتي روحي لرئيسة القسم معاك ٥ طالبات بس او راسلي الاستاذ عبدالعال ابوخشبه واطلبي فتح اي مادة من المادتين .
طلبنا مادة قراءات محاسبية بالانجليزي وهذي هي انفتحت وموجودة عند البنات لان احنا بناخذها ١٢ طالب مع طالبات في قاعة شبكة مع الدكتور زكريا فريد ، سألت رئيس القسم وقال لازم اقل شي ٥ طلاب واي مادة تبغوها راح نفتحها لكم .
وبالنسبة للاقتصاد وموادهم الاختيارية من قسمهم كثيره لان مساراتهم كثير وكذلك الحال في ادارة اعمال .
عندك تخصص الانظمة مافيه مواد اختيارية كثير من قسمهم واغلبها من ادارة عامة واسلامية .
بالنسبة للشعب والزحمة ، شدي حيلك وامسكي معيدة عشان تصير الشعب كثير ^ــــــ*
والله يوفقنا كلنا .. آمين
اخوك