رد: هذا جدولي ايش رأيكم
اخوي مستشفى وضيدان يالله حيهم
بالنسبه للغه العربيه سهله
بسسسسس اعطيها حقها
في ناس قرتها للمره الاولى وقالت سهله ولمن دخلت الاختبار تمنت درجه النجاح
ان اعطيت الماده حقها صدقني بتسير من المواد الي ترفع المعدل
وانا لمن اقول تعطيها حقها يعني سهله وسلسله لمن تذاكرها
يعني تحس بمتعه وانت تقراها عرفت؟
بالنسببه للاسئله ياغالي شوف لي موضوع بتحصله بالملخصات السابقه
اعتقد اسمه ولاول مره اسئله للغه العربيه 201
اذا ماحصلته بحفر له واجيبه لخاطر عيونك
اما بالنسبه لمواد هالترم فا والله انا مسوي سالفه
ركزو معاي فيها
يالله نبدى
انا قلت من باب رحم الله امرئ عرف قدر نفسه
وانا بالمواد العلميه لك علي شوي
لازم اجيب مدرس واعله شوي
والماده العلميه تاخذ مني وقت حول الشهر الى الاربع اسابيع
فقلت اخذ كل ترم ماده علميه
واخذ معاها اربع مواد نظريه
بحيث كل ترم 5 مواد
وما اهتم بالساعات ابد
اهم شي خمس مواد
منها احافظ على معدلي او ارفعه
لو نحسبها حسبه شيبان
كل ترم بنحذف ماده تقريبا
بيزيد عليك ترم
طيب ايهم احسن يزيد ترم واتخرج معدلي عالي؟ او اتخرج بالوقت المعلوم والمعدل طايح؟
اترك لكم الاجابه
ثما ان المواد العلميه حدها بتخلصها بالترم السادس
يعني الترم السابع والثامن
اقدر اضيف اكثر من ست مواد نظريه
فما ادري توافقوني الراي؟
يعني مثلا انا حذفت العلوم السياسيه والا قتصاد الجزئي الفصل الي راح
ورفعت معدلي الحمدلله
الترم هذا بينزلي اقتصاد بس بحذفه بعد واخذه بالفصل الجاي واكتفي بالمحاسبه الحكوميه
والفصل الي بعده اخذ بحوث عميات ان شاء الله
الحين انا محتار بجدولي وقولولي رايكم
انا ابي اخذ
محاسبه حكوميه
قانون ادراي
ثقافه اسلاميه
اداره خدمه منيه
نظريه التنظيم
اخلاقيات العمل
انا ابي احذف وحده من مادتين
يا نظريه التنظيم يا اخلاقيات العمل
عشان اتفرغ للمواد الثانيه وارفع ابو المعدل زياده
وش رايكم؟ ولا تنسون في ماده علميه معاي وسمعتكم تقولون القانون الادراي صعب واسئلته لف ودوران
وانا تعقدت من القانون الترم الي طاف لمن شفت الاسئله
وخوفي نظريه التنظيم تشغلني عن المواد الثانيه لصعبوتها على حسب كلامكم
بالنسبه الي بيقول امشي على الخطه
اقوله انا بمشي على قدراتي وليست قدرات الجامعه
وابشركم الحمدلله معدلي طيب
واتمنى المحافظه عليه
والله قوي<<<
:)
بانتظاركم
|