[اطلق سراب]

السلام عليكم...
وفقا لما صدر من شؤون الجامعة بمنع لبس العباية داخل الجامعة...
ولآن اغلب الطالبات معارضات ولآسباب كثيرة منها:
1- التعدي على الحرية الشخصية.
2- زيادة المصاريف وسوء الاحوال المادية للطالبات..وقلة المكافآت.
3- في حال تطبيق القرار سينشغل الجميع في هم المظاهر "والتكشخ" بعيدا عن الدراسة.
وفي حال تطبيق القرار يوم السبت القادم
فسيتم التجمع يوم الأحد في الشارع المقابل لمبنى الشؤون من الساعه 9 ونصف
لتقديم الاعتراض .. بشكل مكثف.. ولكي نظهر لموظفات الشؤون عدد المعترضات .. وانه لايمكن اتخاذ القرارات الخاصة بالطالبات بدون استشارتهم.. ومراعاة ضروف الطالبات وليس "الدكتورات"

بعض التعليقات الخاصه:
1- كفاية انهم يسحبون المكافات على الجوال والبنطلون والتنانير اللي اقل من اربع اصابع<<اذا كانت اصابعك صغيره بتروحين وطي..جا الحين يلقون عذر يستفيدون من مكافات الطالبات بقرار جديد ..
2- هذه حرية شخصية ..واذا فيه احد يعتبر ان البنات يلبسون مفسخ وعلى قولتهم مو مستر..((مع اني اشهد اني ماشفت احد مفسخ)) لكن الكثير من البنات واغلبيتهم مو فاضين حق التكشخ وماسكين كتبهم 24 ساعه فحرام نحكم على الكل بقرار سخيف مثل هذا.
3- احنا بنات جامعة والمفروض ان الكل مسؤول عن تصرفاته ولبسه..مابقى الا يتحكون بلون الــ....ماصارت عاد..ترانا جامعة مو كليه ولا مدارس...حتى الكلية والمدارس ماعندهم مثل هالقرار السخيف...

(( لو كان فيه مخالفات وسحب بطايق يوم السبت..بتكون المعارضة يوم الأحد ان شاء الله..ونبغ كل المعارضين يكونون متواجدين ..السالفة كلها تقديم اعتراض..يعني لابيسحبون بطايقنا ولا بيحرموننا من المكافآت..واللي خايفة والا طفله ماتعرف تدافع عن حقها ..تجلس في بيتها)))

................


تحيآآآآآتي اطلق سراب...وشوفتنا الاحد الجآي..بس نبي الكل يكون متواجد لو بدأو بتنفيذ القرار..