[فرفوووشة]

سلام عليكم
ماشالله شعب المحاسبه كلها مليانه تقريبا اقل شعبه 70 طالبه بعضها وصل 100 و128
وبحث وتدريب 18 شعبه
بما إنهم عارفين أنو القسم مرغوب وأعداد كبيره من المتخصصين والمتخرجين ماشالله
ليه مايفتحو مسارات ؟؟ ويضيفو مواد إختياريه من قسمنا ؟؟؟
والله كان نفسي أخد مواد إختياريه وحره كلها من المحاسبه بس مافي غير مادتين ومايفتحولها شعب كمان
بصراحه نفسي يكون في مسارات وفي مواد إختياريه للمحاسبه عشان أزيد معلوماتي عن قسمي وأخد خبره أكبر
قسم الاقتصاد عندهم 3 أو4 مسارات وموادهم الاختياريه يمكن 10 أو11 ماده ماشالله ما أبغى أحسدهم
بس المتخصصين في قسمنا أكبر وفي فرق كبير يعني مانستحق ؟؟
شوفو في موقع قسمنا تبع الكليه ايش كاتبين

مرحبا بكم في الموقع الخاص بقسم المحاسبة

أنشأ قسم المحاسبة عام 1393هـ بعد أربع سنوات من بدء الدراسة بكلية الاقتصاد والإدارة بجامعة الملك عبد العزيز وأصبح يمثل المركز الأول بين أقسام الكلية من حيث أعداد الطلاب الخريجين من القسم .

أتمنى يدرسو الموضوع بجديه عشان لما نتخرج يكون مخنا محاسبي 100%
وماعرف كيف أوصل كلامي ولمين ؟؟؟
بس أملي أنو يكون في أعضاء هيئة تدريس يقرو الموضوع ويوصلوه للي يخصهم الموضوع
وشووكرن