[عبدالعزيز الصالح]

تعددت الاراء والشهادة واحدة

شف ياخوك ماحجيب شيئ جديد كثير على الذي اشار اليه الاخوان

ادارة عامة = العمل في القطاع الحكومي = ان كنت تعمل في دائرة حكومية ، ومستبعد تخصيصها في المنظور القريب فخلك في الادارة العامة = ان كنت تستمتع بالقراءة النظري وتكره العملي مثل الرياضيات ومسائل الحل والقوانيين هم خلك بالادارة العامة

ادارة اعمال = العمل في القطاع الخاص = ان كنت تعمل في القطاع الخاص او توجهك العمل في القطاع الخاص ما ايلك الا ادارة اعمال = ان كنت تحب الرياضيات والمواد العملي التي تعتمد على حفظ القوانين هم خلك بادارة الاعمال =
ان كانت نظرتك بعيدة يعني لساعك شباب وقدامك طريق طويل للعمل هم خلك في ادارة العمال نظرا لانظمام المملكة لمنظمة التجارة العالمية وهو ما يدفع الحكومة للتخلص من كافة القطاعات الحكومية والقاءها في مرمى القطاع الخاص وهو بالتالي ماسيجعل القطاع الخاص مسيطر على كافة مؤسسات الدولة وبالتالي هذا القطاع يفضل ادارة الاعمال يعني خلك مع ادارة الاعمال وبس خلاص كفاية

يالله نزيدها شوي بس .. عن مسئلة الاسهل والاصعب .. تتوقف على ميولك فان كانت ميولك حل مسائل رياضية وحفظ قوانين او كنت دارستك قبل الجامعة علمي فستكون ادارة الاعمال اسهل لك وحتمشي فيها وانت مغمض .. وان كنت ممن درسوا ادبي او كانت ميولك الى القراءة والتامل في الامور فالادارة العامة تمشي معاك زي العسل .. خلاص كفاية كذا خل غير يتكلم

شوي بس كمان .. بالنسبة للنساء قد يكون الطلب عليهم اكثر في القطاع الحكومي بينما يفضل القطاع الخاص الرجال فهم اكثر عمليا "عنصري حتقولوا عني" ايه عنصري ، الرجال يحكوموا انفسهم ماعندهم اجازات حمل ورضاعة وامومة واجازة حداد وزوجي زعلان مني ومايبغاني اروح للعمل والسواق شرد مني عارفة كيف اجي الدوام .. الخ
اما الرجال دوامهم دوام عسكري و يجيك متصربع من صباح رب العالمين ، تديه خصمية مع اي تاخير ويبتسملك مهو زي الحريم يقعدولك يتبكبكوا الين ماتقلها خلاص هذه الخصمية والغيناها

يوه خرجنا عن الموضوع ..معليش ..
نرجع للموضوع .. ولا اقولك جاني شغلانة عاجلة معليش .. خلي غيرنا يكمل "