[(( محمد ))]

أخوي ناخذ الموضوع وحده وحده وانا بساعدك في إلي اعرفه ان شاء الله

أسمح لي برتب المواد من جديد

الثقافة الأسلامية 3

هي أسهل ثقافه على الإطلاق بين المستويات الأربع , سامحني انا ما اعرف هذا الدكتور لكن بصفه عامه هذي الماده تتكلم عن الزواج ومايتعلق به من جهة ثقافيه اسلاميه وهي بالظبط قريبه جدا جدا من منهج الأحول الشخصية لأن الأحوال الشخصية تتكلم عن الزواج ومايتقدمه وماينتج عنه . يعني من الزوجين إلي خطبتهما مرورا بالعقد ثم الزواج قم النفقه إلى الطلاق والعدة والرضاعه والحضانه
الفرق بين ثقافه 3 واحوال شخصية 1 ان الثقافه تتكلم عن الزواج من ناحية ثقافية ومعرفية فقط .. فوائد واسباب ونصائح اما الأحوال فهي تتكلم عن الزواج من ناحية فقهية بحته . كلها احكام فقيه .. حلال ومحرم ومباح ومكروه الخ

فـ وجود هالمادتين في سمتسر واحد حلو جدا بالنسبه لك . بالعكس انا أفضل ذالك

اما الدكاتره فمثل ماذكرت لك ما اعرف دكتورك في الثقافه , لكن بصفه عامه الاختبارات مثل ماتعرف موحده والماده سهله تقدر تذاكرها بدون شرح , بالنسبه لفايز حابس
حسب شهادة الدكتور مازن الحارثي يقول / فايز حابس هو أفضل من يدرس احوال شخصية في القسم
الشباب ينصحون بالناشري

الناشري ممتاز ويدف شوي وعلى قولنا ( فلاوي )
فايز حابس ممتاز جدا من ناحية الشرح , ومنظبط جدا في الحضور والتأخير
اختباراته اختياريه
لو يدف درجه يعطي بونص للجميع او لفئة معينه ماعنده نظام ( الكريك )

يوزع على طلابه ملخصات ورسوم شجريه لبعض الدروس
ولازم يكون كتابك معاك
الكتاب هو ( الروض المربع ) طبعا مو كله

نصيحة إذا كنت من الطلاب إلي يتأخر ويغيب كثير وأعتماده في نجاحه على الغش في الأمتحان لاتاخذ الماده معاه لأنك بتتعب


قانون الدولي العام والمنظمات، عند العمري

تتذكر حصة التربيه الوطنية في صف ثالث متوسط ؟؟

صحيح ان الماده لاتتحدث كثيرا عن السعوديه او لاتتحدث ابدا بس بالنسبه للمنهج هو ( قصه ) وبالنسبه للدكتور فهو الحكواتي . دكتور ممتاز وبساطه احمدي .. لاتفكر تحذفها ابدا ابدا ولاتشيل همها


مصادر الاتزام، عند العثمان
100% , انت من جد تسألنا عن العثمان !!

إذا مابتاخذ هالماده عنده فما أنصحك بغيره ابدا

ممتاز جدا جدا

محاظراته خفيفه

لاتشيل هم الأربعاء مابيطول معاكم

ركز في الأختبار الدوري الأول

يقال عن هالدكتور انه مايصحح ويقال انه يصحح الورقه بالوزن , يعني اكتب كثير

رجل محترم وشرحه مفهوم ويلخص المنهج ودايم درجات الطلاب عنده طيبه


قانون جنائي عام، عند زكي شناق

هذي الماده إلي يبغا لك تذاكرها من اول الترم

الجنائي العام ماده طويله

زكي شناق رجل فاضل ويشرح طيب

لكن غير حقك عنده ماتاخذ

مايظلمك لاكن مايدفك

ويحضر كل محاظره وياخذ على قوله التفقد ( الحضور والغياب )

دكتور رائع

المزمومي أسهل منه لو كانت عنده هذي الماده في هالترم

انا سمعت ان فيه دكتور جديد اسمه بيطار جا الترم إلي راح
الشباب يمدحونه شوف إذا كانت نازله عنده
او خذها عند شناق وذاكر لو تبغى الـ 95

مبادئ سياسة، عند وليد السديري

ما أنصحك ابدا

وليد السديري ماينصحون به العامه من الطلاب

وانت ماخذ الماده اختياري

وعندك وقت الحمد لله باقي ولا انت في حاجتها اصلا

الاختياري عندك افضل منها

فقه العقوبات عند مازن الحارثي

شرحة ممتاز وعنده بونص

والماده تفيدك في سجلك الأكاديمي مستقبلا وتفيدك في ثقافتك الشرعية والقانونية ومحتواها قريب جدا من الجنائي الخاص

عندك كمان اصول فقه 2 لو اخذت الاصول 1
وانصحك بـ مازن بخاري ممتاز

انت إذا اصريت على هذي الماده

مبادئ علوم سياسية

فنزلها اولا عند السبعان
او براده

لاتاخذها عند وليد السديري

ولو تحب تسأل عنها بشكل اشمل نزل موضوع في المنتدى هنا في قسم العلوم السياسية
او اسال زملائك إلي في العلوم السياسية عن الماده وعن الدكتور

اتمنى اكون قدمت لك شي

بالتوفيق