[little Angel]

المشاركة الأصلية كتبت بواسطة حنين الود وهما........ يعادلولك المواد ولو حابه تمشي امورك تمام خلي ابوكي او اخوكي يمشيلك امورك من عند الرجال انا مادري شطر الطالبات فلوسهم حلال بالحركات الي يعملوها وانهم مايأدوا عملهم زي ماهو مطلوب منهم ؟ ماعندهم فكره انو مالهم حرام ؟؟ لو ماشتغلوا؟؟ يعادلولك حبيبتي بس لا تصيري عبيطه كدا اتكلمي بطريقه واثقه وانو انتي عارفه حقك وانو من حقك تعادليها مو يجوا الأشكال دولا يصرفوكي ؟ وبعدين انتي عبيطه والا طفله لما ترضي أحد يصرفك ترى قهرتيني .. والله بكلمك زي اختي عيب عليكي المفروض انو ماتسكتي لأحد يتعامل معاكي كدا انا ماقولك قلي أدبك عليهم لا تكلمي بإحترام وثقه وعرفيهم حدهم وانوالشي واجب عليهم .. ويادبدوبه فيه موضوع استفسارات تقدري تحطي موضوعك فيه أي إسفسارات هنا.. لتفادي المواضيع والزحمة..والكل حيفيدكم..(girls&boys)

شكلك وحطيتي الحرة فيني

أولآ أنا مو عبيطة ولا طفلة لكن أظن مامرت عليك هالأشكال اللي مرت على وحدة تقولك لأ يعني لأ بأسلوب وقح وتخليكي تستني برة مكتبها وهي الأخت قاعدة تطق حنك ولمن تفضي تناديك وهي المسؤولة بالله كيف بتتفاهمي معها لا تقولي خلي عندك ثقة نفس..الحمد لله موجودة..وناقشتها أنة من حقي لكن يمكن ماكنت على مزاجها..والله لو قريبتها كان فرشت لهاالأرض ورد.. يعني لاأدب وأحترام ينفع ولا وقاحة وقلة أدب تنفع.. لكن المشكلة والعيب مو فيني في هالأستاذات اللي ماعندهم لاذمة ولا أمانة..
ثانيآ أنا مو من جدة حتى كل شوي أسنتر عندهم أنا من خارج جدة وموظفة وصعب جدآ على أنه أراجعهم لكن مع ذلك ماتكاسلت أو أستهونت...
وأعتقد ياحنين أنه في أسلوب للنصح أفضل من كذا..