[روزاليندا&MJ]

مساء الخير جميعا,,\,,
الرياضيات..
نبدأ حبة حبة بالنسبة الرياضيات أكيد حاول تركز مع الدكتور وتفهم وتحل الأسئلة اللي ورى كل سيكشن أول باول عشان لا تتنكب قرب الإختبار لأنها شوية كثيرة ومنها حتثبت المعلومات اللي ما كنت فاهمها واكتب ال notes اللي يقولها دكتورك لأنها دايما تلخص أشياء كثيرة ,,,
الفيزياء..
أنا كنت بمسك ملخص الأستاذ علي الزهراني وأذاكر أول الشي الشرح بعدين أقرا اللي بالكتاب بس شرح بعدين أحاول إني أحل تمارين الأستاذ اللي حاطها لأنها مرة كويسة ولا تسوي زي غلطتنا إنو تتعب نفسك في طريقة حل التمارين الطويلة بدون فهم أسباب الحل لأنهم كانوا يركزوا على فهمك للحل أكثر من إنهم يجيبولك نفس المسألة حاول ما تخلي كلمة في الكتاب اللي فاهمها أو عالأقل قريتها وطبعا الرسمات مهمة فهمها وأنا صراحة ما يعجبني ملخص الأستاذ أشرف بركات لأنو أحسو شوية بيعقد الأمور >رأيي الشخصي والله يوفقك
الاتصال ...
في طريقتين جربتها وكلها ممتازة يا إنك تحاول تجي مصحصح وتسمع الكلام مزبوط وبكذا يوم الاختبار يس مراجعة للنقاط المهمة أو إنك تذاكرو يوم الإختبار عن طريق القراءة الجيدة للكتاب وهذا يغنيك من إنك تجبر نفسك تنتبه في كل كلاس وإنت حر
الحاسب..العملي حلو بس انتبه وإنت بتشتغل لسفاسف الأمور ما تنسا إنك تعملها وطبق كم إختبار في البيت وحالك حلو وماشي
النظري القراءة الجيدة لكل الكتاب مع الانتباه للمصطلحات بالإنجليش مثال(شريط الأدوات tool bar) وانت بتحل في الاختبار لا تستهين بالمادة اقرا السؤال أكثر من مرة ممكن يكون ملعوب بالكلام وانت ما تنتبه
الإنجليزي..
إقرا روايات إنجليزية اسمع لراديو انجليزي شوف أفلام وبرامح بدون ما تطالع الترجمة حاول تتكلم في الكلاس بالانجليزي وكذا تقوى انجليزيتك للحياة كمان.
إن شاء الله أكون أفدتك خيو وبالتوفيق يارب ودعواتك ,,,
دمت بحفظ المنان,,,,