يسعد ايامكم يااااااااااااااااااااااااااااااارب
----------------.........----------------
أنـــا ياصاحبي كاتب من احزان الزمان اكتاب . .
ولكني رفضت . . انشر همومي ولا اشكيها . . .
اخاف انشر وجع قلبي واوضح موقع الاعراب . .
يجيني يفتخر صاحب . . وجع روحي ومشقيها . . .
إذا هي تتهمني إني رجل غامض فلا ترتاب . .
بوضح لك بعض اشياء وبعض اشياء ابخفيها . . .
أنـــا من قسوة جروحي قوى باسي وقلبي ذاب . .
وفيني تلعب الدنيا . . بقسوه بين اياديها . . .
عشقت انسانه لا . .لاعفـواًَ اسد لكن بدون انياب . .
رقيقه . . مذهله . . صعبه . . مريضه . . وجيت اداويها . . .
قسم بالله ماشفت بحياتي مثلها اهداب . .
عليها عين من تغمز . . اجي وبروحي افديها . . .
صنعت من الغلا قلبي لها ستر وغطا وحجاب . .
ابي قلبي عن العـالم . . يغطيها ويحميها . . .
أنـــا مجنون من قبل الغرام وقبل لا انصاب . .
ثقيل وعاقل جنوني . . قبل ما اعشق مواريها . . .
شسوّي جتني مجنونه على جنوني تطق الباب . .
تطق الباب . . لكني فتحت ابواب البيها . . .
إذا قيس المملوح ذاب في ليلى وقلبه تاب . .
أنـــا ماتوب . . من حب الهنوف وحب اهاليها . . .
معاها كانت الدنيا سما زرقا ورضا واسراب . .
كثر ماحبها وربي . . على نفسي ابديها . . .
احس بصوتها تجمع تغاريد ودفى واحباب . .
واحس الدنيا تحضني . . بغلاها يوم احاكيها . . .
ادلعها وابكيها واراضيها وأنـــا مرتاب . .
اخاف اني ابكيها . . ولا اقدر اراضيها . . .
اسهرهـا وانومها واصحيها برضا واعتاب . .
اطمنها بغلا . . وارجع اجننها وابكيها . . .
اريحها وأنـــا شاعر رومانسي وبالغلا غلاب . .
وإذا ارتاحت انومها . . على صوتي واغطيها . . .
احاول كثر ما أقدر اداريها واجي منساب . .
وإذا ضاقت اجي طاير عليها لجل اسلّيها . . .
تصوّر عاد موقعها بعد هذا من الاعراب . .
تخيل بنت بالزحمه . . افلتت كفك من اياديها . . .
أنـــا ما قلت لك خانت ولا صرّحت ياطلاب . .
ونيران الحشى ارض . . يجي شخص ويداريها . . .
ترى لو ترتفع ناري اقابلها ببرود اعصاب . .
وإذا حطيتها ابراسي . . اعرف اشلون اطفيها . . .
تمادت لين ماشابت احاسيسي وقلبي شاب . .
ولين اليوم اجي وادعي . . عسى ربي يخليها . . .
أنـــا لي قلب مايحقد ولايحسد ولا يغتاب . .
لأن الناس من تخطي لها ربٍ يجازيييها . . .
ولا اندم على البايع ولا احزن على اللعاب . .
وناسٍ ماتقدرني . . اطنشها واجافيها . . .
ولا اضحك مع الجاهل ولا امشي مع الكذاب . .
وناسٍ ماتشرفني . . ولا ارضى اماشيها . . .
احب المرجله واتعب على خوة رجال اشناب . .
وإذا للمرجله راعي . . أنـــا ياخوك راعيها . . .
عطيتك صفحه من عمري مدام ان الحياة اكتاب . .
بعد اذنك ابفتحها . . وابرجع تالي اطويها . . .
أنـــا شامخ قبل يطغى الزمان وتنكسر ارقاب . .
تبيني انكسر . . بعد الجروح وبعد ماضيها . . .
ـــــــ ـــــــــــ ـــــــــــــــ ـــــــــــــــــــــــــــ ــــــــــــــــــ ـــــــــــــ ـــــــــــــــــ ــــــــــــــ ـــــــــــــــ
أخوكمـــ