[مهندس الزعيم]

بالنسبة للفيزياء دكاترتها كلهم سيئين بالنسبة للشرح اسمع يمدحون في صبغت الله بس تعرف ما اظن يشرح بالعربي لكن انا اخذتها عند مصر اسمه وليد الشربيني شرحه ممل الى ابعد الحدود وبارد جدا وما يحل مسائل يهتم باثباتات القوانين لكن الصراحة هو دكتور طيب واخلاقه حلوة وكمان اعطى الفصل كامل ال 15 درجة كاملة في المشاركة والكويزات والحضور حتى لو ما حضرت تبغى 25 درجة معمل وبالنسبة للاختبار الدوري والنهائي انت ذاكر من اوراق اشرف بركات وباذن الله تتسهل المادة ,,

وبالنسبة لمعمل الكيمياء هو سهل مو صعب بس انت احظر في كل التجارب وخذها عند الهاشمي زي ما قال اللي قبلي ,,

العربي 2 مادة تافهه الى ابعد الحدود بس طبعا لازم تذاكرها قبل الاختبار علشان تجيب a+ بالراحة

ثقافة 101 انا احس انها اصعب مستويات الثقافة الاربعة بس هي سهلة اذا ذاكرتها ..

بالنسبةة للورش انا الحقيقة ما اخذتها بس زيما اسمع من الطلاب مادة تقدر تجيب فيها aو a+

اما اي اي201 هي مادة نظام درجاتها مختلف عن جميع المواد تعتمد على جزئين فردي : بحيث تختبر عشر كويزات وتسوي اسايمنت واحد لوحدك
وجزء ثاني يتعلق بالتيم حقك >> يعني اهم شئ في المادة هذي ان تختار تيم كويس وشغال وفيهم ناس مبدعة في الانجليزي ولا راح تتعبوا كثير في المادة لان فيها شغل كثير...

مادة ليست صعبة بس فيها كرف مو طبيعي وتشيل هم مع المادة هذي واعيد واكرر اهم شئ في المادة هذي انك تختار تيم كويس وشغال ولا راح تتعب كثييير ,,, بالنسبة لكاترتها انا اخذتها عند محمد ريحان اخلاقه كويسة بس يبغاك تشتغل وتهتم ويكرفك كثير ويعدل ويعدل في الاسايمنت لما يخليك تتعب بس في الاخير يعطيك حقك ويراعيك كمان