[Jasmine Al-Qahtani]

السلآم عليكم ورحمة الله وبركاته

Fiction	أ.ايمان حمزة	المنهج ثلاث روايات وهي Wuthering Heights & Scarlet Letter & Puddin' Head Wilson	اختباراتها اثنين كل واحد 20 درجة الاختبار الاول 10 صح وخطأ وثلاثة اسئلة ايساي تختاري منها اثنين وكل واحد عليه 5 واختبارها الثاني اربعة اسئلة ايساي تختاري منها اثنين وكل واحد عليه 10 وكمان فيه 2 برزنتيشنز تسويها على روايتين من اللي بندرسها واخر الترم في بحث عليه 10 درجات وبرزنتيشن عالبحث عليه 5 درجات طبعا تنحسبن درجته مع الاثنين اللي قبل	الاستاذة رائعة وتحسينها تحب المادة وهذا اهم شي يخليها تشرح من قلب والكلاس ممتع جدً اذا انك قرأتي في البيت وجيتي الكلاس محضّرة لانو في الكلاس حيكون برزنتيشنز بالدور عالبنات كل وحده تمسك شابتر وبعد ما تسوي البرزنتيشن تناقشها الاستاذة وتعرفي الاشياء المهمة وتسجليها ركزي مع كلام الاستاذة وافهميه لا تكوني مجرد الة كاتبة بحكيكم من تجربة .. الحضور مرة مهم معاها مع انها ما بتحضّر بس مررة تعرف ماشاء الله من حضر ومن لا وكمان اصلا لو فاتتك المحاضرة اعرفي انو كلام الاستاذة مهم جدا وماراح تلاقيه بسهولة بالمواقع وحتشتتي نفسك تذاكري من المواقع اشياء هي ما ركزت عليها .. فانتبهو للحضوور واصلن الكلاس ممتع حاولو تتقبلو المادة وتاخدوها reading 4 pleasure اكثر من انها محاضرة تعليمية .. البرزنتيشنز البنات كانو بيغيبو ويضيعو فرصة 5 علامات تجيبك بسبب خوفهم او لامبالاتهم .. الاستاذة تساعد وتحاول انها تعطينا هالكم درجة عبر البرزنتيشن فليه نضيعها من يدينا
Semantics	د. منال التاودي	المنهج كتاب سيمانتكس نفس اللي تدرسه د. افنان فطاني	اختباراتها 3 من 20 وترا تكرر اسئلة الاترام الماضية يعني حاولو تعرفو وش جابت للي قبلكم انا ما كنت ادري الا قبل الاختبار اشياء بسيطة فتمنيت اني اعرف احد من قبل	لازم تحضري عشان تأشري وتعرفي وش ركزت عليه وهي انسانه خلوقه وما تتدخل بالبنات اهم شي الحضور
Sociolinguistics	د. عزيزة العيسى	المنهج كتا مصور خاص فيها وسلايدات تشرح منها	اختباراتها ثلاثة اثنين من 15 وواحد من 20 وفيه بحث عليه 10 واظن البرزنتيشن عليه 3 درجات من الـ10	دكتورة رااقية جدا والتعامل معاها ولا اروع .. شرحها حلو ونقاشها بالكلاس كمان حلو والاهم انها تشرح من السلايدات فانتي من الحين اطبعي السلايدات واحضري الكلاس وهي معاك واشري عليها شرح الاستاذة بكذا ماراح تحتاجي الكتاب وللاسف ما اكتشفت هالطريقة الا متأخر وبالنسبة للاسئلة فهي كررت لنا اسئلة الترم اللي راح تجيب صفحه صح وخطأ وصفحة سؤالين ايساي او ثلاثة وتختاري منها وحاولو تاخذو من موضوع السوسيو هنا في المنتدى اسئلة الايساي اللي جاتنا وبالنسبة للبحث فهو تختاري ظاهر لغوية وتناقشيها تصدقو انو توني اعرف انو الكتابة بالاحرف الانجليزية كلام عربي زي كذا a3ref هو ظاهرة بدأتها وحده اردنية وسمتها "عربيزي" المهم انو وقت برزنتيشنز البنات على بحوثهم حيكون وقت ممتع تشوفو فيه الظواهر اللي راقبوها عن اللغه
French	أ. عبير العامري	منهجها كتاب الفرنسي اللي فيه عصفورة>>اهم شي ;)	اختباراتها اثنين من 25 واختبار اورال عليه 5 وريدنج عليه 5	الكلاس حلو هي اسلوبها وترتيبها في المادة ما يعقدها ابدا لان الفرنسي لي اترام أأجله والحمدلله طبيت فيها وكانت روعه تقسم السبوره وتكتب النيو فوكابلري يعني عرفت وش الاشياء اللي تتذاكر في الفرنسي وايضا القرمر مرة سهل معاها شرحها سلس مو معقد وتكثر تمارين عالقرمر في السبوره ..وتكثر اسئلة الاختبارين الدوريين عشان تتوزع العلامات على ارباع وانصاص والنهائي جابت اشياء سهلة .. الله يسعدها