[الطالب المنتاز]

المشاركة الأصلية كتبت بواسطة امونة المزيونة الطالب المنتاز: طيــــــــب انا بكمل السنة اللى باقيتلي مدري سنتين مدري كم هيه وبعدها لو مالقيت وظيفة اش اسوووووي فيييك؟!! خخخخخخخ لاتقولي كملي الماجستر لاني بقولك خلااااااااااص وربي مرة خلااااااص مااقدر ع اكثر من كذا من يوم خلقت وانا ادرس كفااية ابحس اني عايشة واسير موظفة واهم شي استلم راتب خخخخ >>الاخت مادية خخ انا شكلي بأمني مستقبلي وادور ع وظيفة من الحين خخخخخخ

الي يسمعك يقول رؤساء اقسام الجامعه كلهم واقفين على باب الجامعه بيدهم ملفات علاقي
واستمارات تسجيل وينادونك تكفين تعالي سجلي عندنا شوية بس يومين بس يوم الجمعه ع الاقل
ولا وشف النصايح القيّمه يقولون للولد سجل بالاعلام لان الاعلام مستقبل
اخرها الضعيف يتخرج وزحمه ويوزع ابتسامات بالحاره
اي اعلام انت وياه من يوم اعرف نفسي واعلامنا مافيه الا اثنين النمله والثاني وكراني
نفس البرستيج نفس الشكل نفس الشنب نفس الثوب الاصفر قلم ذهبي بجيب الصدر وفواتير
ونظارات نظر برواز ذهبي وكبك ماخذ نص ايده
والمشكله ماحد منهم تخرج من اعلام احسن واحد فيهم ماجد الشبل لغه عربية من سوريا
وقابلينه بالواسطة ودعاء الوالدين ايام كانت القناه السعوديه تشتغل الصبح وتقفل الظهر
وترجع تشتغل من العصر لين الساعه عشره تمثيليه محمد حمزه دموع الرجال
اجل قناه تفتح الصبح وتقفل الظهر بقاله ذي مو قناه .
عموما انا انصحه يستخير الله عزوجل ويدرس علم النفس طالما انه يحبه وبالوقت نفسه
ممكن يبدع فيه وبالوقت نفسه مستقبل حقيقي والفرص موجوده بأذن الله .
اما انتي قدامك احدى امرين تشوفين زاوية كويسه بحوش بيتكم وتحطين عليها احسن صندقه
واحلى محل خياطه وانواع الفساتين
او كوافيره جمانه مستحيل تمر حي او حاره ماتقلى فيه كوافيره والاسم اما ريماس ولا جمانه
المشكله نص الشعب لوتسأله وش يعنى ريماس يقولك بروست
واذا شد حيله قالك اسم وجبه من كنتاكي
المهم هاذي عدة مشاريع بالاضافة لو تشتغلين بعد الظهر نقش حناا تلقين نص حريمنا فاتحين ايديهم عند بابكم تقول يشحذون .