[ذياب]

السلام عليكم

اكيد انكم مستغربين من العنوان ازعاج من دكاترة لكن والله هذي مشكلة اعاني منها في كل اختباراتي وبالمناسبة انا انتساب يعني يمكن الانتظام غير ما ادري

كل ماندخل فصل او قاعة للاختبار اول تقريبا ثلث ساعة بدون مبالغة تعليمات واللي نقوله نعيده وتعليمات يعني حنا متوترين خلقه هم يزودون الموضوع وكل شوي يدخل واحد والباب مفتوح تلقالك ثنين ما ادري موظفين او غيرهم يسولفون ويتعازمون وخذ من هالكلام في كل الاختبارات

في اخر اختبار لي كان يوم الخميس اللي فات وفي الليل وكان الاختبار في مبنى 40 والفصول ضيقة اللي يراقبون في كل قاعة اثنين والباب مفتوح تسمع صوت اللي في القاعة الثانية والتعليمات والسوالف بينهم طولت بشكل غير طبيعي والتعليمات تكررت من كل واحد يمكن 3 مرات لين ماقربت انفجر ناديت دكتور وقلتله نبغا شويت هدوء المادة ريدنق ونحتاج تركيز شوي في القطع نظر فيني بنص عين وقال ماتبغانا نقول التعليمات قلت انقالت 5 مرات للحين

عموما مشكلة اتمنى تنحل في السنوات الجاية
بالتوفيق للجميع