[حنين الود]

ناس تقتل نفسها ووقتها وامنياتها تدخل القسم دا وناس تتنازل عنه بكل سذاجه لمجرد كم بنت بتشتكي من القسم ؟؟؟
انتي البنات الي بتتكلمي عنهم انتي زيك زيهم ؟؟ انتي بتتركي محاضراتك عشان تفطري مع البنات ؟؟ للمعلوميه في بنات متساهلات ويبغوا كل حاجه تجي لحد عندهم الدرجات ويبغوا الاستاذات على كيفهم ..
بصراحه انا اسفه على اسلوبي المعفن معاكي بس لازم اصحيكي من العبط الي انتي فيه حعاملك زي اختي واكتر كمان لانو انتي حتضيعي نفسك الوقت الي تفكري في الافكار السودا دي ليه ماتروحي تشوفي ايش منهج الرايتنق والريدنق وتبدأي من دحين تحفظي المواضيع في المفضله وتبدأي تدوري اسماء الكتب وتعرفي مين افضل استاذات وطريقه كل استاذه وتتعرفي على بنات اخدوا الماده قبل كدا وتشوفي خبراتهم ؟؟ تبدي تعودي نفسك على الكتابه كم كلمه في اليوم تقرأي قصايد بالانجلش تسمعي قصص بالانجلش تطوري نفسك تتابعي افلام مو افضل من التفكير الأسود الي لو استسلمتيله حتكوني ورا دااايما ولا عمرك حتتغيري وحتقعدي تمشي ورا الافكار السودا لحده ماتجلسي في البيت من دون شهاده .. على فكره لو كنتي في البيت مافيه شي صعب ولا فيه بنات بيشتكوا من القعده في البيت وترى القعده في البيت راحه ولا عمر اي بنت حتدخل المنتدى تشتكي من القعده ؟؟ هاه ايش رايك حلو البيت ؟؟
جايه هنا تقولي ابغى احول ؟؟قولي ابغى منهج الماده الفلانيه قولي ايش رايكم كيف ارتب جدولي قولي ابنات ابغى ماده حره سهله اخذ فيها الدرجه الكامله عشان ترفع المعدل