[الـمـقـاول]

انا الحمد لله لم ولن اعتمد على اي ملخص .. الكتاب ثم الكتاب ولاغير

لان الي وضع الملخص موب الدكتور .. فـ كيف مثلا الاخ هاني عرب يلخص لنا كتاب معين والدكتور بيجيب اسئله من الكتاب ؟

هل هاني عرب ملم بالماده ؟ متخصص فيها ؟ مااعتقد لا هذي ولا هذي

انا اقدر الخص كتاب واختصر الكثير من البربره الي فيه .. بس ممكن الدكتور يجيب سؤال من الكتاب من بين السطور والي جاء من بين السطور انا طمرته وماحطيته بالملخص فبالتالي انا المسؤول قدام الناس الي قرأو من الملخص الي سويته وان رسبو ودعو عليّا برو ح فيها


ابعدو عن الملخصات والي بيذاكر يذاكر من اول الترم مو لاجاء اخر الترم قال مايمديني عطوني ملخص

لكن هذا لايمنع ان هنالك اخطاء بالتصحيح مثلما حصل مع الكثير من الطلاب والطالبات لكن برضو موب دايما

حتى فيه ناس يقولون دافع 3000 وبالاخير ارسب ؟

يعني مدري وش اقول للاخ هذا .. وش جاب طاري ال3000 ؟ يعني عشان دفعت لازم تنجح .. انت مو في مدرسه اهليه عشان تتحكم بالمدرسين وتقول نجحوني ولا عطوني فلوسي

ادرس وتنجح

على فكره .. انا نجحت بمواد يعلم الله انهم دافيني دف فيها وكل يوم اشكرهم واقول جزاهم الله خير .. خصوصا مادة مباديء القانون هذي .. احس اني جايب فوق ال80 لكن اخذت فيها 60 ومع ذلك ومن باب وحده بوحده في السنه التحضيريه فيه مواد قاعد اتسائل شلون عديتها لحد الحين ماادري و القانون الي حليت فيه كويس نجحوني بالدف مع ذلك لم ولن اعترض لانهم مثلما ساعدوني بمواد بسكت وخلني اخذ ستين