[حنين الود]

اربع براقرافات او خمسه
الأول دائما المقدمه اسمها (introduction) وتتكلم فيها عن موضوعك ويكون فيها ذيسيس ستيتمنت توضح فيها الفكره من كتابه الموضوع وتكتب محور البراقرافين الي اسمهم body بعدها
حيكون عندك الـbody ويكون مكون من براقرافين كل واحد منهم في حود 9 الى 10 سطور بعدين كل واحد منهم له فكره عامه وتحتها 3 افكار رئيسيه وديتيلز
بعدين براقراف الخاتمه واسمها conclusion وتختم موضوعك
انتبه لترابط الأفكار وانتبه لتكرار الكلمات لاتكرر الكلمه كتير في نفس البراقراف وانتبه للأخطاء الإملائيه لاتختصر لانه بتنقص درجات Do not< كدا اكتبها لاتكتبها بالإختصار تنقص درجات وانتبه لعلامات الترقيم جملك خليها واضحه ومفهومه تركيب الجمله مهم لما تجي تكتب اكتب فكره وانتهي منها ومن تفاصيلها ولاترجع تتكلم عنها بعدين خلاص كل فكره استلمها بالترتيب ولاترجع تلخبط الدنيا لازم في بدايه الموضوع فوووق تكتب عنوان الي هوا topic وماتحط فيه نقطه في نهايته تترك سبيس خمسه احرف عند بدايه كل براقراف امقدمه والخاتمه بتكون عدد اسطرها أقل من الـbody تقريبا فيه كلمات ارجع للكتاب حتلقاها تساعدك في كتابه الخاتمه
مثلا عند الخاتمه تبدأها بكلمه ختام زي to conclud my essay او in conclusionوتحط بعدها فاصله وتختم كلامك
الــ body كل براقراف يتكلم عن فكره عامه منفصله مثلا موضوعك عن التدخين حتكتب الـ body الأول عن أضرار التدخين وتكتب للتدخين اضرار كتير على الصحه على حياتك الإجتماعيه على الناس الي حواليك تقوم تكتب تأثيره على الصحه انه يجيب امراض انه السبب الرئيسي لبعض الامراض وتذكرها وتقول انهالانسان بيموت نفسه بالتدخين وكلام اتفلسف فيه حبتين وبعدها تحط نقطه وتنهي الفكره دي
تروح للي بعدها اضرار التدخين على حياتك الاجتماعيه تقول انه بيبعد اصدقائك عنك الي مابيدخنوا والناس بحاول تتفادى الشخص المدخن لانهم مايبغوا يتضرر او يتضايقو وحيكون سبب في تضرر الحياه الاجتماعيه بالنسبه للشص المدخن وبرضه تنهي الفكره
وتروح للفكره الي بعدها اضرار التدخين على الاشخاص التانيين الي يكونوا مع المدخن انهم يعتبرون مدخنين ويشملهم الاضرار الي ممكن تحصل للمدخن لانهم بيستنشقوا الهوا الملوث واخطر حاجه لو كانوا اطفال زي كذا وتنهي برضه الجمله والبراقراف كامل


بعدها تبدأ في الــbody التاني تتكلم الفكره الرئيسيه عن اسباب التدخين وكيفيه الإبتعاد عنه وتحط 3 افكار رئيسيه ولها ديتيلز نفس الحكايه الي فوق بس لازم كل الافكار الرئيسيه الــ3 تكون تحت العنوان الي هوا اسباب التدخين وكيفيه الابتعاد عنه ..
وبعدين الخاتمه تقول فيها التدخين سبب من اسباب الامراض وانه كدا وكدا وتقتبس من الكلام الي فوق الخلاااااصه ممكن تكرر بصيغة تانيه مو نفس الصيغه وبس دا الي اتذكره

فيه مواضيع للبنات نزلوها من أول عن أشياء مهمه في الرايتنق ابحث عنها