[المحاسب القوي]

مساكم / صباحكم خييير
جس نبض بس ^ـــــ* اول مشاركة لي بالقسم على امل ان اعود للكتابة يوماً .. هذي من ارشيفي

حان الرحيل .. وخاطري منهـ ماطاب ..
حبرٍ نزفته يوم لاحوا مودعينا .
.
واجد حكينا .. لكن النوم غلاّب ..
ودنا نسهر في حين نوم مراقبينا .
.
يشكي وانا اسمع مثل كل اقراب ..
وبقترب له بالهوينا .. الهوينا .
.
ابي يحس اني في حضنه كتاب ..
يقرا بعيوني كل عشق العاشقينا .
.
ابعطيه الأمل وابفتح له الباب ..
لدنيا جديدة كل ماتمنى يجينا .
.
يستاهل عيوني لو هو لها طلاّب ..
من يطلب الحسنا مهرها ثمينا .
.
ضحكت وكملت قصة الاعجاب ..
وادري انّي ماني تالي المعجبينا .
.
ادري انه صعب تهوى لك مصاب ..
لكن وصوفه شي ثاني .. لا ولا نصفه لقينا
..
ودي اكون لجروحه معالج وطبّاب ..
اروي ظما عجزه قدام ظلم العالمينا .
.
يدفى بحضني من شتا بعد الاحباب ..
واحمله مثل طفلٍ بعمر زهر الياسمينا .
.
يلقاني الأُم وأبوه .. وشّلة الاصحاب ..
يلقى بقلبي حروفه بسناها منورينا .

.
والله و غفيت وخاطري منك ما طاب ..
والحبر توه بيكتب وما ارتوينا .

.

❊



كتبتها في
01-10-2008

:)

مودتي