رد: كــل شـــيء عن خـــطه الف ^^
انا خطه أ واستغرب مره من اللي يقولو الخطه سهله ولازم تجيبي معدل ... اوكي المواد اسهل يعني ممكن وحده تجيب كل دوريتها 30 29 28 وتتامل على a+ يجي الاحتبار اللي يستهبلو في تقول يارب بس b
بس مثلا عندك الرياضيات المنهج اوكي والدوريات كويسه ... لاكن الفاينل تعجيزي بمعني الكلمه ضيع درجاتنا
والفيزيا للاسف مافي غير كم دوره تشرح كويس والباقي لا ونفس الحكايه في الاختبارات الدوري الاول كويس والدرجات تعتبر عاليه جا الدوري التاني ما اعرف كيف حطو اسئلتو الدرجات مرررره طاحت بس الحمدلله في الفاينل جابوها سهله .
الحاسب الكتاب سئ ... غير كدا الدوريات مستحيل مايجبو اختبار الخيرات في كم اختيار صح وهما يبو واحد محدد .. ولا يجيولك اختيار مستحيل يكون غلط بس مهو في الكتاب ويقلك لا لا تختاري ليكي بالكتاب قمة التخلف في اسئله الحاسب ....... ولا يزيد الطن بله لمن اشتكينا لوكيلة كليه الحاسب تقلك انتو عارفين السنه دي
لازم نسوي تصفيه <<< شوفو الرد .
والاتصال هيه الماده الوحيده الحمدلله اللي مالعبو لنا فيها ....
بالمختصر خطه أ مره يلعبو بالاسئله ولا المناهج اوكي ,, بس خطه ب على حسب كلام البنات اللي يزاكر يلاقي تعبو
بالنسبه للدكتورات
؛؛ الفيزيا د حميده درويش < بالمختصر الي تلاقي نفسها عندها وتعرف انها مارح تحل بدون
ماتفهم تتاكد انها حتجيب f في بنات لحقو من البدايه وحولو لاكن احنا كنا على امل انهم يغيروها
لانو السنه اللي فاتت غيروها وقالو اكيد حيغيروها ليكم انتو كمان
الرياضيات < مها نورولي عادي شرحها بس مره شرحت لنا بدالها هدي افندي احسن منها
الاتصال والحاسب < احس مايبالهم شرح
اهم شي شدو حليكم في المزاكره عشان تضمنو درجات عاليه في الاختبارت اللي يجيبوها كويسه
عشان لمن يستهبلو في اسئلتهم ماياثر كتير لانو تكون درجاتك التانيه كويسه
|