رد: شوفوا إش ردت الجــآمعة على:مآذآ تريدين منآ يا جامعة الملك عبدالعزيز؟!
اولا ... مرة كويس انك فكيتي دا الموضوع ...
ثانيا :: بالنسبة لجامعة الملك عبدالعزيز زودتها صراحة
صح انها نزلت نسبة القبول علشان ننقبل ونقعد في كراسيها بس ماننذل ..
بس انا مصدومة ... كنت اتخيل انو دكاترة الملك عبدالعزيز ((علماء يعطو مايخبو علينا كل شي يعني احس انفسي في مكان علم )) بس للاسف كلهم حق مصالح وحق نفسي نفسي ... جات نص ساعه على المحاضرة تقرأ الي في الكتاب وتقفل كأنو احد ماسكها ولا تشرح ..
معاكي حق الدولة بتعطي وبنأخذ المكافأت .. وكل شي متوفر لينا في الجامعة الحمدلله .. بس همن الجامعة ماتشوف الي بنشوفو احنا من المعاناة
هيا تبغى جامعة الملك عبدالعزيز مرأة ناجحة في عملها في كل شي علشان نرفع اسم دولتنا بس احنا ماقصرنا احنا بنذاكر وبسوي الي علينا وفي النهاية الدكتورة تقولك الالة ولا انك مادخلتي مزاجها ولا ان ماتحب الكلام الكثير ولا التفصيل الي بالورقة
بالنسبة للغه ... هذا الشي نرميه للتربية والتعليم .. المفرووض من الاساس نتعلمو من التمهيدي بمنهج يعني نحس انو نهرج للغة زينا وزي المدراس الاهليه .. ندرس نحس انو مافي فرق زي الدول الثانية
في الجامعة معقتداها صراحة يعني احنا بندرس ونكافح وكل شي وطمووووح عندنا بس في النهاية لمن نشوف درجات الدوري الاول ننصدم ليش ؟؟
تقولك الدكتورة والله من التصحيح والالة ماتكذب <<حسسوني انها انسانة
ولمن نطلب المراجعة نلاقي الاجوبة صح بس همن لاعبين علينا
خلاص مصلحة مشتي مع ابلة تمشي معاكي .. ماعملتي مع نفسك رحتي وطي فيها
تعتقدو ليش الجامعات الاهلية بتعطي منح كل سنة وتنزل نسب القبول زيادة
علشان يبغوا ناس يتعلمو يبغوا ناس لمن يغلطو يعلموهم دا ليش غلط دا ليش صح ويعطو الي عندهم بزيادة ويدعمو الناس الي عندهم قدرات ويفهمو ويعطوهم بعثات وبيدرسو وماشين وبيرجعوا وبيلاقو وظيفة
احناا ولا شي الجامعة بس تصعب علينا علشان نسحب الملفات وهيا صراحة نجحت بدا الشي اغلب البنات سحبت الملفات يعني قولتها ((الباب يوسع جمل ))) وبيروحو على الكليات الاهلبة وتستقبلهم بكل رحب .. والدكاترة يعطو من قلوبهم ...
|