رد: شوفوا إش ردت الجــآمعة على:مآذآ تريدين منآ يا جامعة الملك عبدالعزيز؟!
صراحة اول مره اقرا موضوع احس احد اخد الكلام الي فراسي كلو وكتبو...
موضوع منجد حلو وروعه
دحين انا ابا اقول حاجه...
انتو قاعدين تقولو انو مسلن الجامعه ماتبا تنجحنا ومحا ندخل طب ومحنا ندخل هندسه ومدري ايش
طيب دحين كل كلية لها طاقه استيعابيه معينه وفي ناس حتخش
يعني مافي كليه حتنساب فاضيه... هما بس بياخدو الناس الاشطر والمؤهلين اكتر
يعني لو ماعملو الانظمه دي وحطو اساله صعبه شويه كل الناس حتجيب نسبة تدخل كلية الطب وبعدين على اي اساس يختارو الناس الي بجد تستاهل ؟؟
لازم يكون في تحدي عشان يعرفو الناس الي حتقدر تواجه الاصعب بعد كدا في كليات الطب وغيره
انا خطه ب ... لو في احد بيقول انو الاسأله من برة الكتاب
دا شي مره خطأ لانو انا بزاكر من نفس الكتب ونفس المنهج وعمري ماختبرت وجاني شي مو من الكتاب
انا لحدت دحين وليومي دا ماحسيت انو في اختلاف في مزاكتي عن مزاكرتي ف السنوي
يمكن في ناس ف السنوي كانت تزاكر من كم ورقه حتلاقي اختلاف بس انا صراحه لا
حمدلله انا حسيت انو ف الجامعه اصلا بجيب اعلى من علاماتي ف السنوي بكتيييييييييييييير
المهم معليش ع الكلام الكتير وحطو فراسكم انو سهل وانو انتو حتقدرو عليه
ولمن تحطو كدا والله العظيم حتجيبو علامات ماتوقعتو انو ممكن تجيبوها
فكرو بايجابية واحسنو الظن بالله وكل شي حيكون تمام
الدراسه مهي سهله ولكن هيا اسهل من مابتتوقعو
دا الكلام بالنسبه ليا انا بس
وشكرا عالموضوع وتقبلو مروري
|