[احساس طفل]

انا كمان حابه اعطيكم فكره وخاصة للبنات اللي بالفرع في الفيصليه

احياء ماده تعتمد على الحفظ من التست بانك يعني ماعندك مشاكل وين مايحطوكي عند اي دكتوره عادي
اهم شي احفظي اول باول من التست وتجيبي الفل مارك باذن الله

كيمياء انصحكم لوجه الله تعالى روحو للدكتوره ريم من جد هالانسانه رووووعه وماشاء الله هما الشعبه
الوحيده اللي درجات البنات مرتفعه هذا ان دل على شي دل على تفوقها في ايصال المعلومه بسلاسه انا عني ماعرفتها
الا نهاية السنه حضرت معاها بسس المراجعه وربي حسيت نفسي خرجت بشي مفييييد والحمدلله كان آدائي
للاختبار جيد وهذا يرجع لله سبحانه ثم مراجعة الدكتوره ريم

الاحصاء بدون كلام الدكتوره ماجده طبعا هذي اللي تبغى تفهم المنهج مزبوط وفيه دكتوره اسمها جواهر بس بصراحه وللامانه مو زي الدكتوره ماجده في توصيل المعلومات لكن اللي يميز الدكتوره جواهر انها تساعد في الاختبار وتنوّه على اسئله تجي افكارها نفس اللي بالاختبار وعني برضو حضرت للمراجعه حقها وحسيت ان نص الاسئله اللي بالاختبار قالتها وركزت عليها الله يسعدها زي ماساعدتنا

الانجليزي عاد هذا شي انتو ابخص فيه وين ماتحل لكم البركه روحو ماتفرق d

<<ياليت البنات اللي خطه أ في الفرع يقولو عن افضل الدكتورات ـــــ بانتظاركم