رد: مفردات التسويق باللغة الأنجليزية bus 461
السلام عليكم ورحمة الله وبركاته على الجميييييييييييع
يا إخوان ..أنا إختبرت المادة اليوم ...وراح أكتب عن هذا الإختبار ..حتى تعرف وش تذاكر..وذلك للفائدة للطلاب اللي راح ياخذو هذي المادة الترم الجاي..
الإختبار جا من 50 سؤال..22 إختيارات والباقي صح وخطأ والإجابة في نفس الورقة مهو مثل العادة على النموذج اللي تحبر عليه..ما أدري ليييش...
على العموم فيه ملخص في المنتديات تابع للأخ العزيز علي العنزي..هذا الملخص جميل لكن الإختبار ما جاب منه أي أسئلة تقريبا ..فيه ملخص ثاني أنا أشتريته من مكتبة دار الهدى..هو ملخص طيب جدا وفيه ترجمة بالعربي وأسئلة نهاية الكتاب ..وأنا ذاكرت منه ومعظم الإختبار تقريبا جا منه..وفيه بعد نماذج أسئلة أعدها واحد أستاذ مصري مثل ما ذكر الأخ اللي فووووق..وهي ممتازة جدا وجات منها أسئلة كثييير..لااااااااااكن...الأسئلة جاتنا صعبة للغاااااية وبكل صراحة الدكتور طارق خزندار الله يصلحه ما سوا فينا خييييييير..حرام عليه لأن هذي المادة مادة أسألتها مباااشرة ..لكن هو جاب معظم صيغة الأسئلة بطريقة أمثلة وحكم وإنت تشوف هذي الأمثلة وش يركب عليها نموذج من نماذج التسويق سواء خطط أو إستراتيجيات اللي بالطبع ما هي مكتوبة لا في المذكرات ولا في الأسئلة بتاتا..وفيه تقريبا 6 أسئلة جاتنا ما مذكورة في الملخصات..منها تذكرون في مادة والله ما ني ذاكر إسمها النموذج التمويلي اللي نستخدمه لتمويل المشروع (البقرة الحلوب -النجوم-الكلب-علامات الإستفهام)حاجة مثل كذا,,ما تذكرونها..هو جاب سؤال عنها..وطبعا أنا ما شفتها في أي من الملخصات..وفيه كمان كم سؤال بهذي الطريقة ...اللي يذاكر أسئلة الأستاذ ترى لا تحفظها صم..لأنها راح تجيك مثلها لكن محورة..يعني إنت لازم تفهم مضمون السؤوال وإجابته حتى يمديك تواجه الأسئلة المحورة وإنت مرتااح من غير ما تشيل هم..لأنك تعرف الإجابة لكن تغير عليك شكل السؤوال...على العموم اللي يذاكر من ملخص مكتبة دار الهدى الخاصة بالأستاذ/ توفيق أبو القاسم وملخص الأسئلة اللي كتبها الأستاذ/ والله ماني ذاكر إسمه...بإذن الله ارح تنجح...وعلى فكرة الأبواب المطلوبة علينا هي الأول والثاني والرابع عشر فقط لاغير...وبالتوفيييييق للجميع ولا تنسوني من صالح دعااااكم
|