[غرور فتاه]

هآآآآآآآآآي كيفكم girls بحكم إنه كان عندنا اختبار انجلش اليوم ,,,

ايش سويتوا مع الاختبار العسل تبع اليوم , وجوهَكُم تقول انه فل مارك للكل ان شالله .....أكــــيد

يعني أنا بصراحه لما شفتها 50 سؤال توقعت السؤال بنص زي الاختبارات اللي فاتت يعني قلت ان شالله أخذ22 أو 21 زي الاختبارات السابقه,,,

ولما خرجت رحت لمركز اللغه أسألهم على ان كل سؤال بنص وجآءت الفاجعه الكبرى , وتقولي المشرفه لا يا حبيبتي على كل سؤال درجه , هيآ قالت الكلمه وانا رحت في خبر كان وأغمى عليآ ,,,
وصحيت من الاغماءه الحمدلله و ساعتها كنت منهاره وجلست أصرخ عليهم و أقولهم حرااااام عليكم مين يقدر يحل أسئله زي كدآ عاد تخيلوا منظري , وفي دي اللحظه ( المشرفات التلاته اللي في الغرفه قالوا بصوت واحد هوآ الاختبار بصراحه كان صعب صعب صعب ومستحيل أي أحد يجيب فيه فل مارك .. لكن الله معاكم , ووحده منهم تقول أنا قبل شوي جربت أحل الأسئله وفي كتير من الاسئله احترت فيها لأن الاجوبه تتشابه ويتلخبط الواحد فيها ويحس انها كلها صح )

في البدايه كنت متضايقه وزعلانه , لكن لما شفت كل البنات زيي في المعمعه , ومو أنا لوحدي في الطوفان تفائلت شويه ......... ليش

لأن الطب مايقبل غير اذا كانت الواحده ناقصه 10 درجات لكن إذا كانت كل الدفعه ( لاحظوا أنا قلت كل الدفعه مو أغلبية الدفعه ) مخبصه في الانجلش الفاينل أكيد غصب عنهم راح ينزلوا معدلات الطب شويه ,,,

وعموماً بإذن الله ما نوصل لذي الدرجه اننا ننقص اكتر من 10 درجات ان شالله ,,,

ختاماً دعواتي للجميع بالتوفيق في الدنيا والآخره لكل ما يحبه الله ويرضاه ,,,,

دعوات خآصه ( يارب تدخل بنت أبوها الطب وأنا معاها ولجين وما أنسى شبيهتي في الإسم غروري ذبحهم "الصفه المشتركه الغرور"وشموخ لا ينتهي والكل يدخل تخصصه يارب)

ما أقول غير الحمدلله على كل حال

الحمدلله الذي تتم بنعمته الصالحات

بالله كل واحد يكتب انطباعه عن الاختبار والدعوه للكتابه عامه للجميع , لكن أخص بقولي البنات عشان أبغى أشوف قد إيش في بنات ما عجبهم الاختبار مثلي ,,