مآ شآء الله يآست بسوومة قآال ايش تبي تحولي ادااري انتي يبغالك والله ضرب .. مآشآء الله درجاتك حلوة وبتتخرجي بمعدل يدخلك الي تبيه ان شاء الله <<عاد احنا ايش نقووول هع ..
المهم :
قلبو اول حآجهـ بقلك شي استخيري ثم استخيري ثم استخيري ..وبعدين شوفي ايش الي ترتاحيلو وسويه وربي ان شاء الله يوفقك ويسهلكـ طريقك هذا اول شي ..
بعدين انتي دوري في التخصصآت المتآحه عندك واقري واطلعي .. في تخصصات كتير حلوة زي الهندسه الداخليه والكيميآء الحيويه والصيدلهـ وحتى الحاسب ..
ولا تقولي هذا صعب ما اقدر .. مافي شي اسمو صعب قولي اقدر ونتي ان شاء الله تقدري .. ومافي شي اسمو سهل كل شي يبغالو تعب ومذاكرة واجتهاد وكل تخصص لهـ فايدة واهيميه وبالنهايه انتي تختاري الي تحبيه وتميلو له وطآلما شي تحبيه صدقيني بتبدعي فيه حتى لو مآكآن تخصص قوي ..
وشوفي حبيبتي انتي مآتحبي الطب انا اعرفك فلا تدخلي شي مآتحبيه لانك ماحتبدعي فيه ولا حتقدري اصلا تكملي فيه فلازم تصارحي اهلك وتقوليهلم واكيد لو عرفوا انك ماتبي مابيغصبوك بس لازم تقولي لبابتك ..
وبالنسبه للحآسب حتى انا سمعت فعلا انو صعب بس صدقيني اذا انتي تحبيه بتقدري تكلمي وتبدعي ..
ونتي لازم تقري وتسألي وتدروي طبعا بعد ماتستخيري ووكلي امرك لله وربي معاكي ان شاء الله ومابيضعلك تعب ..
بس نصيحتي لك لا تحولي ادراي ولاشي لسا قدامك ترم وتعبك في هذا الترم عشانو اول ترم في الجامعه وسنه جديدة وشي جديد في حيآتك ودرجآتك ما شاء الله حلوة والترم التااني ان شاء الله بتكون احلى ..
حطي في بآلك قلبو انكـ مآتوقفي عند البكآلوريس لازم تقولي لنفسكـ انا بكمل المآستر والدكتوراه كمآن ان شآء الله .. احنا في زمن ثورة في التعليم حآولي تسويه شي مو تآخذي بكآلوريس بس .. البكآلوريس الحين سآر شي عآدي مو زي زمآن الكل يآخذو ..
لازم يكون طموحكـ كبير .. حطي هدف لنفسكـ وقولي انا بسويهـ وبحققو ..
وبعدين مين قلك انو العلمي مافيه تخصصات و انو الادآري تخصصاتو احلى؟؟ بالعكس احسهآ محدودة ..
حيآتي بالنهآيه اقلكـ استخيري وفكري واستشيري واقري وابحثي في التخصصات الي في مسارك <<احسلك بدل ماتدرسي ترم صيفي وقصة وتعب من جديد كملي
وربي يوفقك وييسرلك ويكتبلك الي فيه الخير ..
عفوا على الاطاله .. اتمنى اكوون افدتكـ لانك تهميني قلبو ..