[العروسة الصغيرة]

السلام عليكم

الصراحة ماني عارفة من فيين ابدأ ...


شوفوا بالنسبة كل إلي جاهم نموذج b في اختبار الإنجليزي التالت ترى ماحد جاب أعلى من 18 ونص في دا النموذج .. واكيد كل البنات إلي شافووا درجاتهم دحين ونموذجهم b راح يفهموا قصدي

انا كنت b وتخيلوا جبـت في الإختبارات الي فاتت 22 والاول قريب منوو يعني كلها في دي الحدود وفجأة تجي الصاعقة إنو الإختبار التالت اجيب فيه 15 ونص !!! مين يصدق دا الكلام ؟؟

الصراحة اختبار الإنجليزي لا منهجي يعني يعتمد على تحديد مستواكي يعني انا تقريبا عرفت مستواية في دي الحدود وفجاة الاقي دي الدرجة !! الصراحة شي مايدخل العقل .. وغير كدا والله والله أنو كان اسهل اختبار وانا وصحبتي وخرجنا وراجعنا الأسئلة وكانت صح

وغير كدا انا جبت خبر انو اعلى بنـت جابت 18 ونص في دا النموذج من مصدر موثووق يعني مو اي كلام ومو معقوولة ميئات البنات إلي اختبروا في دا النموذج جاتهم أقل من دي الدرجة ومحد جاب فوقها !

ولإنه كل النماذج التانية فيها فل مارك والدرجات في العالي والواطي ماعدا نموذج b كلهم تحت ال18 ونص ..

هادا معناته شي وااحد إنوو في خطأ في دا النمووودج واااكييد وانا متأكده عشان كدة انا ماراح أسكت بكرة ان شاء الله بعد الإختبار حروح معهد اللغة واشوف حل معاهم وماراح اسيب درجاتي تطير من ورى اغلاطهم .. فأي بنـت مشكلتها زي مشكلتي تعالوا كلكم بعد الإختبار ودوروا على حقكم لإنه داا شي مو معقووول ..