رد: أتمنى الكل يدخل ويسوي اللي يقدر عليه
وعليكم السلام ..
إن شاء الله اذا تبغى تجيب درجة عالية
لازم تذاكر من دحين .. لانو مادام دخلنا الجامعة معناها المخ نظيف .. يعني المشكلة في شي تاني
وعندنا المشكلة الازلية هيا الوقت ..فكل ما كان في وقت قل الضغط .. >>علاقة عكسية :p
.
فاذا بدات من دحين ..قسمت المنهج على قد الايام وحطيت لكل يوم وقت على قد ما تقدر .. تذاكر فيه جزء محدد.. وتسأل احد يعرف او الاستاذ الشي الي ما فهمتو حيكون تمام إن شاء الله
واهم شي وانتا بتذاكر مثلا لو حطيت ساعين .. كل بعد ثلث ساعة خد بريك كدا 5 دقائق لانو المخ يحتاج فترة
وكمان يقولو انو الواحد اكتر شي يتذكرو هوا البدايات والنهايات فحاول تقصر الفترات ..
وإن شاء الله قبل الاختبار بيومين تكون فاهم كلل شي وتراجع كل شي وترتااح .. وتدعي "اللهم اني استودعتك ما علمتني اياه فرده الي عند حاجي اليه" وكدا تكون سويت الي عليك واتوكل على الله
ويسير ساعتها لو ما جبت علامة كويسة .. اعرف انو ربنا حاطط لك الخير في شي تاني .. وانو الدرجه الي حتاخدها هيا احسن شي لك
معليش ع التطوييييل
وإن شاء الله استفدت اي شي من دا الكلام الطويل :)
|