رد: طريقة المذاكره لكل شخص فينا .. تعال وعطنا طريقتك .
بالنسبة ليا ..اول شي اذاكر في الصباح او بعد المغرب عشان العصر والظهر احس الجو مايساعد للمذاكرة ومخي مايستقبل معلومات الا في الصبح وبعد المغرب بس !!
امسك المادة واذا كان شي مقالي اقراه بتركيز اول شي وافهم كل كلمة بعدين اسكر الكتاب واجلس اقول اللي قريتو من مفهومي واتفلسف من راسي هع وبعدين ارجع احفظو وهكذا ..
واحيانا احب اسكر اذني بيدي عشان مااسمع ولاصوت بس اسمع صوتي واجلس اقرا بصوت عالي التعريف مثلا واحفظو <<دحين كل المنتدى اصابعهم في اذنهم هع ..
وبعدين صح كل مااغلق فصل من الكتاب اراجعو وبعدها ابدا في الفصل التاني ..واذا شطبت الكتاب اراجع كم ملخص اكون جبتهم من المنتدى مثلا ..وقبل الاختبار وانا بطريقي للجامعه اراجع كمان ..
والله يوفق الجميع وسلامتكم ..
|