عرض مشاركة واحدة
منتديات طلاب وطالبات جامعة الملك عبد العزيز منتديات طلاب وطالبات جامعة الملك عبد العزيز
قديم 09-06-2008, 05:33 AM   #9
عبدالله الناصر

يالله التوفيق لنا ولكم

 
تاريخ التسجيل: Mar 2008
نوع الدراسة: انتساب
المستوى: الثامن
الجنس: ذكر
المشاركات: 185
افتراضي

احنا نسمع بين حين وآخر تجميد عضويه اتحاد احد الدول لتدخل الدوله في صلاحياته

وعندنا مو الدوله تتدخل الدوله هي المتصرفه والفيفا ما يبي الشيئ هذا بس مدري وش عنده ساكت ولا تدخل ؟؟

اما المدرب فيه ناس تمدح اختياراته وناس تسبها

صحيح انه طلع لعيبه وعرفنا عليهم وعددهم مو كثير

بس فيه عيب واحد وكبير جدا من وجهة نظري

انه في وسط المباراة ما عنده حلول تكتيكيه ابداً

متى شفتوه يغير الخطه وسط المباراة ولا مره سواها ابداً

ودي اذكر انه في مباراة غير في التكتيك وسط المباراة ما اذكر

كل تغييراته لاعب بلاعب بنفس المراكز

والناس قامت تحفظها احمد الموسى بدل عبده عطيف او الشلهوب وسعد الحارثي بدل ياسر او مالك وغيره ما فيه امل يغير

انا من يوم شفته في سيرته الذاتيه كأني اذكر انه ما فيه نادي قعد اكثر من سنه وانا غاسل يدي منه


الكلام الحين من يبي يجيبون بدله ؟؟

وانا اذكر في احد المواقع لقيت تعليق لواحد يقول لو يجيبون مروينهو أفقلوني ان تأهلتوا

وهو صادق اذا ما تغيرت رئاسة الاتحاد السعودي لكرة القدم فما راح نفلح ابد

من يذكر الاشاعه اللي كانت تقول ان الامير خالد بن عبدالله بن عبدالعزيز عضو شرف ورئيس نادي الاهلي السابق يبي يمسك الرئاسة العامه لرعاية الشباب ؟؟

وش صار عليها ؟؟

ودنا يجي شكله انسان فاهم واذكر الامير محمد العبدالله الفيصل يقول انا تعلمت العمل الاداري والرياضي من الامير خالد بن عبدالله بن عبدالعزيز مع اني اكبر منه - والكلام للامير محمد العبدالله-

لاحد يقول اني اهلاوي لا والله ما اشجع الاهلي ابداً لامن قريب ولا من بعيد

لكن نبي واحد زي الناس بدل اللخبطه اللي حاصله في رياضتنا

 

عبدالله الناصر غير متواجد حالياً   رد مع اقتباس