رد: نداء خاص من تحضيري الى التحضيرين
انا واحد من اللي مروا بهالحاله << لعلمكم انا مقدم من جديد في الجامعه يعني السنه اللي فاتت كنت موجود
ومثل ماقالوا لك اللي قبلي لا تفكر في هالموضوع الا اخر السنه
اذا شفت انك ماتأهلت للتخصص اللي تبي اسحب وقدم من جديد
وكمان جد ترى الجامعه كل سنه طالعه بموال جديد وماتضمن رح تنقبل او لا
يعني انا من اللي اشوفه فيه تغيرات كثيييييييير عن السنه اللي طافت
منها الزين ومنها الشين
شيل هالفكره ولكل اللي يفكروا كذا
شيلوها من بالكم خير شر الين تشوفوا اخر السنه وش انتم عليه
وبعدها اسحبوا واختبروا تحصيلي وقدرات من جديد وقدموا وان شا الله اللي معدالتهم عاليه بالثانويه ماعليهم خوف رح ينقبلوا
لكن الفكره يضيعوا سنه كذا بلوشي صعبه
يعني لا سمح الله قدمت من جديد وبقيت على نفس مستواك
صدقني رح تندم ليه ماكملت وشفت مستواك السنه اللي قبلها
اذا مره متحطم
اعتبرها اختبار لقدراتك
يعني مو شرط يكون اللي في بالك مواكب لقدراتك
انا عن نفسي السنه اللي طافت خلاص في بالي طب ويوم ماانقبلت ودرجاتي طايحه تحطمت
وقدمت هالسنه في نيتي هندسه
لكن سبحان الله من اللي شفته هالسنه
مستواي ودرجاتي وقدراتي وبضع (بضع مو بعض ) التسهيلات عن السنه اللي طافت
انقبل طب ان شا الله
استخير ربك واسمع كلام اخوانك هنا في المنتدى
وبعدين شوف
تسحب من الحين قدامك ترم كامل
تجلس في البيت وش تسوي يعني
اعذروني طولت لكن لاني مريت بهالشي وحاس فيكم
|