[حأقعد عالكاشير]

لسلام عليكم ورحمة الله وبركاته

كيفكم يابناتي ان شاء الله كويسين :)

اول شي للعلم انا مشرفتكم الحلوة (مشرفة حلقة التقوى)

ثاني شي هذي الرساله اترسلت لاغلب بنات الحلقة عالخاص بس عشان فقعان الدماغ وحركة انك تستني بين كل رسالة ورسالة نص ساعه ماأمداني ارسلكم كلكم واللي باقين هما
(تفاصيل.. قمة الانسانيه.. تخصص 13.. بنت ناس واللقب الماس .. وضيفتنا الجديده حلم الطفولة)

قولتلكم اول اني حانزل كيفيات كثيره للتسميع وانتو تختارو وفكرت وفكرت وفكرت
وفكرة وحده كبرت في راسي ودخلت دماغي ومزاجي مرررره
حأقولكم هيا واللي ماعجبتو يعطينا افكاروا واللي عجبتو يرفع رجولو

الفكرة تقول:
مو كل وحده حتحفظ صفحة يوميا زي مااحنا متفقين في حلقتنا
طيب يسير التسميع حيكون برضو صفحة يوميا أو يومين في الاسبوع (صفحتين ونص صفحتين ونص)
وقت التسميع :مفتوح التسميع طول اليوم الين 7 بالكثير 7 وربع ليلا واللي تتأخر تنقص في الدرجة

انا نفسي في اشياء كثيره

أولها: انو نبدأ التسميع من بداية الاسبوع عشان بالتمام من السبت للاربعاء 5 صفحات وخميس وجمعه مراجعه اديكم مقاطع متفرقة من الخمسة

ثانيها: بما اننا حنبدأ السبت نفسي بكرة اسمع تلاواتكم عالجوال عشان انا حابة انزلكم في الموضوع اشياء كثيره منها(دروس بسيطه في التجويد وطرق مختلفة للحفظ تساعد في تثبيت حفظكم وكمان معلومات تفيدكم في الحفظ وترفع من همتكم) فعشان كذا ابغى اسمع القراءات والتجويد عشان اعرف اي مستوى احطلكم في الموضوع


انا في نهاية كل شهر يعني بعد كل مانخلص جزء حاطلع افضل ثلاثة حافظات من ناحية الحفظ والانتظام والهمة العالية وحأديلهم جوائز

ارسلولي عالخاص برأيكم سواء عجبتكم الفكره او ماعجبتكم

وزي ماقلت اللي عندها افكار تقولنا ونتراءى فيها طيب ياحلوين

انا يمكن على بكرة حأضيفكم عندي في قائمة الاصدقاء عشان يسهل عليا ارسال الرسائل لكم
اتمنى تقبلو الطلب لمن يجيكم :)

وان شاء الله اكون مشرفة خفيفة عليكم

وربي يوفقكم ويسهلكم وييسرلكم ياعسلز