[فرحة]

كلامك صحيح يا اختي
المواضيع كثيره جداً بعضها يشتت اكثر مما يفيد
مثلا انتي قلتي فيه اكثر من موضوع عن السنترا
المفروض ما نفتح اي موضوع اذا كان فيه عضو قبلنا فتحو عشان ما نشتت الطلاب والطالبات
وفعلا فيه موضوع عن السنترا مثبت اذن ليش باقي الاعضاء بيفتحو موضوع عن السنترا!!!!
هذا ايضاً حصل معايا في بداية السنه لما فتحت موضوع عن الدوره التأهيليه للطالبات
كان عنوان الموضوع " ما حصل للطالبات في الدوره التأهيليه عام 1430 هـ "
المفروض كل الطالبات الي بيحضرو الدوره التأهيليه يشاركو فيه بكل المعلومات الي عندهم عن كل المواد
لقيت انو كل طالبه تفتح موضوع منفصل تكتب فيه الي هي اخدتو اليوم مثلا
موضوعي طلبت من المشرف انو يثبتو عشان سهوله الوصول له
مو كل البنات شاركو فيه كتير فضلو يفتحو مواضيع منفصله مع انهم لو شاركو في موضوعي كان الكل حيستفيد اكثر بدال التشتيت
زي ما حضرتك اتفضلتي قلتي فيه اصلا موضوع سنترا مثبت اذن ليش فيه اعضاء بيفتحو مواضيع عن السنترا
اعتقد انهم بخلاء او يبغو الشهره ؟؟؟
اللله اعلم
بس موضوعك عجبني فعلا بلاش نشتت الاخرين الموضوع الي ينفتح الكل لازم يتجه له ويشارك فيه
وبلاش اذا موضوع انفتح نلاقي مية طالب او طالبه فتحو نفس فكره الموضوع !!!
اتمني ما اكون طولت عليك يا اختي