[العلم مصباح الحياة]

السلام عليكم ورحمة الله وبركاتة .

وبعد اجازة طويلة ومطرة غزيرة خير لنا ونحمد الله على كل حال والله يغفرلنا ويرحمنا برحمته
طبعا في البداية إن شاء الله بعد الاجازة تكون الذهون صافية والنفوس مرتاحةومستعدين للاختبارات
التافههههه الي جيا بعد كم اسبوع . تافهه ؟!!!!
ايوة تافه وأسهل من السهل عشان هذي المرة حنكون مستعدين للعدو المدعو ورقة الامتحان
بتمديدات واسلحة ذهنية وعرفنا كيف خطة العدو بعد الحرب الي خضناها معاه قبل كدا (الي هوا الاختبار السابق) طبعا كل دقة بتعليمه ونحنا سبب درجاتنا الضعيفه هي الربشه والخوف من الامتحانات ليش ما ندي نفسنا كل يوم ثلاث ساعات والساعة الي في النص بريك فله وبعدين الجو
اصبح يرد الروح اطلعوا السطوح مع كبايت شاهي والمعسل بالتفاح وخدلك احلا مزاكرة خلينا من
دا كلو انا ابا من الي مسوين جداول مزاكرة لنفسهم انهم يشاركونا بيها وكل واحد ينقي الجدول الي يعجبو :)
وأبدا انا أولكم
السبت : من بعد المغرب إلى أذان العشاء مزاكره ومن الساعة 10 الى 10:30 مراجعة الى زاكرتو
الاحد : من بعد الغداء خدلك نص ساعة ونام واصحا 4:30 ومن عليها للمغرب وبين المغرب والعشاء
مراجعه
الاثنين : ساعة وحدة مراجعة للمحاضرا الي اخدتها في نفس اليوم وزيادة شويا
الثلاثاء : زي الاحد
الاربعاء: عاد ربوع والقلم مرفوع يعني مافي قيلولة من بعد الجامعه الي 5
الخميس الصبح ساعه ونصف او ساعه وفلللللها
الجمعة : بعد الغداء خدلك ساعه بس

ونأسف على الاطالة
ويا جماعة تنظيم الوقت من اسباب التطور واذا انت مداوم على الصلاة فأنت انسان منظم وقتك بس منت داري احسبها وحتلاقي نفسك من جد منظم لكن باقي انك تعبي الخانات الفارغه في يومك .
ونرجو مشاركتنا في جداول يومياتكم الدراسيه ومنكم نستفيد وااسف على الاطالة

ويارب اهدينا ووفقنا .