[وجدان الحربي]

السلام عليكم ورحمة الله وبركاته


كيف حال الجميع! إن شاء الله بأفضل حال يارب..
بنات!كلنا شفنا جامعتنا العزيزة بعد المطر الي سار والدنيا كيف اتعدمت بالطين..

بس والله الناس شغاله وبتنضف كل مكان حتى شوفت قروب بنات قدام مبنى العلوم (7) بينضفو الله يجزاهم خير صراحة انا والبنات فكرنا نساعدهم ورحنا نكلمهم بس قالو انو تروحي تسجلي من العمادة ومن جد ماكان في وقت عندنا محاضرات ان شاء الله بكرة.

الموهم انا بكلمكم فموضوع سعنطوط ^ـ^
.. كلنا نعرف المبنى السابع وكيف انو عليه ضغط دايمن و يزعلني شي هناكا يعني المكان مشغووول دايمن بنت تقوم من الطاولة وتجي التانية تجلس بعدها بس الطاولة حايسه وفيها بيبسي مكبوب و اكل وشي مو حلو! يعني ايش كان يضرها لو شالت اكلها من بعدها ورمتو في الزبالة(الله يكرمكم)!! صح ولا لا!!.

المفروض ماتستني العاملات يشيلوه لأن هادا المكان مو مطعم.يخدمو مين ولا مين!
نفس الشي رابيز الي قدام الخنساء في سلة مهملات 3 اتوقع مادري 4 ليه ماتشيل كل وحده اشياءها من بعدها! ومو بس في الكفتيريا لا! كل مكان ياجماعة.

كمان الحمامات يابنات :( ليه كل وحده تمشي وترمي وراها كومه مناديل على المغاسل! ليه كدا! ولله المنضر مره مو حلو!
ولا واجهه لناس راقية فتفكيرها وناس متعلمة وفاهمة!

مابغا اعيد كلام اتقال 100000 مره
بس انا حبيت ازكركم بس ..

^_^
في الاخير يابنات احب اقلكم
لاترمو في الارض ارمو في السلة
خليكي قدوة للي يشوفك..
وغير كدا هادا من ديننا..

في امان الله
والله يحفضنا ويوفقنا ويسهل علينا يارب
وكلنا ندخل القسم الي نتمناه<=اهم شي..