السلام عليكم و رحمة الله و بركاته
عندي مشكلة و أتمنى و قفتكم معي بعد الله أن في هالفترة نفسيتي في الحضيض بسبت عدم التركيز و التشتت الذهني و صارت عندي مشكلة في المذاكرة و الإنتباه في المحاظرات بعد العيد حاولت أذكر الرياضيات و اللغة العربية و لما فتحت الكتاب ما قدرت أتذكر أي شيء صرت أفقد التركيز في أي شيء في الدراسة أو الكلام الموجه لي مع أني ما كنت كذا ما أدري وش الي صابني هل هو عين أو قلق نفسي و بالتالي سبب لي هالشيء و الله أنا تعبت و حسيت أني وسط متاهة و مو عارف أتخلص منها
|
ما فيك الا العافية ... شيل حكاية العين هادي من راسك و راح ترتاح
و الله شعور طبيعي كلنا حاسين فيه عشان مرحلة انتقالية من الاجازه للدراسة و راح يختفي بمجرد الاندماج في روتين الدراسة ...
و هالشعور عادي بالذات في اول سنة جامعة لان الواحد قلقان على التخصص لكن ان شاء الله كل اللي يقدره ربك فيه الخير... و اسشتعينو بالصبر و الصلاه .
استعذ بالله من الشيطان و استفتح بالقرآن ادعى ربنا يشرح صدرك للمذاكره و راح تشوف الفرق ...
و إذا فيه اشياء منت فاهمها في الرياضيات اسأل اصحابك او اي احد ممن سبقوك بدراسة المادة .
بمجرد ما تبدأ في المذاكره و تنجز جزء جيد من المنهج راح ترتاح ...
أما إذا مزاجك متعكر فـ( جلسه نص ساعة مع الاهل أو لفة بالسياره على البحر ) راح تغير المزاج 180 درجة ... بس مو تطول و تضيع وقتك ... لانو راح يزيد قلقك كلما ضاع الوقت بدون مذاكره ....
أنا عن نفسي لما أحس بالاكتئاب أحب اقرأ كثير عشان اطلع من النفسية دي ...
ما راح اقلك اقرأ لانو احتمال اختبارك قريب و ما فيه وقت للقراية لكن إذا حبيت تقرأ في المره القادمة ارشح لك كتاب ممتاز اسمه دع القلق و تمتع بالحياة لديل كارينجي
و اذا كنت من عشاق القراءه تصفح الرابط الموجود في توقيعي و ستجد ما يسرك .
و الله كلها سحابة صيف و تعدي ريح قلبك و ابتسم للحياة ...
الله يوفقك يارب .