[HHM]

المشاركة الأصلية كتبت بواسطة dna..~ سالوو.. كومان سافا..؟ يااااه ياحظكم ما شاء الله ^__^ من جد الله يوفقكم.. معليش لو داخله غلط.. بس من جد من جد من جد أحس اللغة الفرنسية جدًا.. و للأسف ما تنزل مادة حره :( ابغى اسأل كم سؤال إذا ممكن.. انتوا للمستوى الأول بتدرسوا من ملزمة ولا كتاب..؟ طيب لو كتاب ايش اسمه و تحسوه واضح لو احد يشتريه بدون ما احد يدرسه..؟ يعني في كتب تجي واضحه طريقة النطق و المعنى..إلخ و كمان سيلفوبليه..لو احد يعرف عن دورات تعلم اللغة الفرنسية انا كأني سمعت الترم اللي راح كانت في دورة في الجامعه :( بس مو متأكدة سيلفوبليه لو عرفتوا دِلموا..^^

اهلين فيكي | dna |
الفرنسي سهل وممتع مرهـ
وتقدري عادي تتعلمي بنفسك بس اهم حاجه تكون عندك خلفيه عن مخارج الحروف
يعني خلي اي احد يعلمكي هيا مدرسه خصوصيه او اي بنت من الفرنسي بس بالصوت اكيد
بعدها انتي اجتهدي بنفسك صدقيني حتتقني اللغه
افتكر قبل ماادخل الفرنسي كان حلمي اتقن 3 لغات
انجليزي فرنسي ايطالي
الحمدالله اتقنت الانجليزي وكان باقي الفرنسي
نزلت جرير واشتريت كتب صغيرهـ |الفرنسية من غير معلم| وفي كتب كبيرهـ معاها كاسيت
| اكتب وتكلم الفرنسية بسهوله |
وبدأت احفظ كلمات وجمل والنطق مشي حالك هههههههه
بس من اول ماتخصصت فرنسي كل الاستاذات فكروني اخذه دورهـ ماشاءالله
طبعا معاهم عرفت مخارج الحروف والنطق التمام
ايوا على فكرهـ لو كنتي تتكلمي انجليزي الفرنسي حيسهل عليكي مرهـ
لان في كلمات كثيرهـ زي الانجليش
بالنسبه للدورات احيان قسم الفرنسي يعمل دورات للمبتدئين | اساسيات اللغه | وللمستوى المتقدم | ترجمة فوريه |
سو روحي اسألي استاذة سمية او دكتورهـ مريفت فمبنى الجوهرهـ قسم الفرنسي لان هما اللي بيعملوها دايما
بالتوفيق لكي يارب
واي سؤال انا حاضرهـ