[سيسيليفينيا]

بسم الله الرحمن الرحيم

البعض خبص في اختبار الدوري الاول .. وقلنا الدوري الثاني حيكون غير
بس لازم يصير " قول وفعل " موبس كلام نقولوا بدون تطبيق.....
قبل ماأبدأ ابغى انبه على اشياء.....
*لا تقول كلو انجليزي صعب وماحأفهم شئ..... لا
Study hard ...Language is not a problem

انت ذاكر مزبوط ... وأفهم المضمون مو لازم تفهم كل كلمه وترجم بعض الكلمات ...وتوكل على الله

*لاتقول الدكتور مايعرف يشرح عشان كذا ماجبت علامه كويسه....لا أنا أقولك السبب منك
مو من الدكتور ...انت خليه يشرح حركو قولو مافهمت دي اشرحها خليه يقوم يكتب على السبوره
ويشرح..ولاتسكت بعدين اذا جاء يوم الاختبار وجيت تذاكر انت الندمان هو مو خسران اي شئ
...فأسألو عن اي شئ مافهمتو روحلو في الساعات المكتبيه
اللي دخلوا الاقسام اللي يبغوه ايش يفرقوا عنا احنا كمان حندخل ...
......If he can....,I can

* انت اللي تصنع مستقبلك مو هو اللي يصنعك تبغى تصير دكتور حتصير تبغي تصيري
دكتوره حتصيري تبغى هندسه حتدخل هندسه.. بس حطوا الشئ دا في بالكم والعقل الباطني
حيتبرمج على كده....



نبدأ..... الماث ......Math
محتاج تركيز أكثر ومذاكره اول بأول ماينفع تراكم....حاول على الاقل نهايه الاسبوع تراجع المحاضرات لاتأجلوا اكثر من كذا ..
* خلي معك الورق الاصفر للملاحظات ...اكتب اي حاجه تساعدك في حل المسائل حتى
لو كانت تافهه ...بالعربي او بالانجليزي المهم تفهم....انصحكم بالعربي
مثال من الملاحظات ..... "درس النهايات " ( اذا جات داله كثيره حدود او داله مثلثيه اعوض
مباشره)
الرياضيات عشان تفهمو... اكثرمن كتابه الملاحظات....
* ومرن يدك اكثر على حل المسائل هذا يساعدك في الاختبار وتحل بكل ثقه
لازم لازم لازم تمرن يدك على الحل ..لاتقرا وتقول فهمت... ماينفع دا في الرياضيات
والكتاب ماشاء الله كلو اسئله.... خذلك سؤال وحل ...وبعد ماتخلص قارن اجابتك
بالجواب الصح ...هنا حل جميع الاسئله وكمان البرنامج حملوه عندكم
حلول جميع شباتر Thomas Calculus



مهارات الاتصال... Communication Skills...
بما أن الاسئله كلها choose و true and wrong فا مو محتاج حفظ كثير
إلا التعداد والتعاريف... واللي تاخدو حاول تقراه في نفس اليوم عشان تثبت المعلومات
اللي اخذتها.....وأنصحكم بالخرائط الذهنيه دي حتساعدك في الاختبار انك تسترجع
المعلومات ....هنا حتلاقي خرائط ذهنيه واذا ماعجبتك ...سوي انت على مزاجك
المهم تتثبت المعلومه....
http://www.4shared.com/file/89461017...2/comm101.html
وارسم.....يعني مثلا ....( كفاءه الاتصال.." يحدث الاتصال الناجح حين يرضى كافه الاطراف")
ارسم وجيه مبتسمه وزي كذا



الفيزياء .....physics
اكتب مع الدكتور الملاحظات وراجعها واهم شئ ذاكر القوانين من الكتاب واعرف متى تستخدمها
وكمان ذاكر السكاشن ومن ملخصات استاذ اشرف بركات واستاذ يوسف زويل حتلاقوها هنا
<A id=thread_title_124811 href="showthread.php?t=124811">:. مَكْتَبة المُلخصّآت وَ الموآضِيع المُميّزَة ’ فقَطْ فِي المَسَآرِ العِلْمِي .:
اكثر ماده محتاجه تركيز وفهم ....



حاسب.....computer
امممممممممممم .....أكثر شئ محتاجوا حفظ المصطلاحات بالانجليزي
يعني احفظ المصطلاحات الانجليزيه في نفس اليوم اللي تاخذ فيه المحاضره
وقبل محاظره الحاسب الثانيه راجعها وزي كذا عشان تسهل على نفسك في الاختبار
وإذا كانت دكتورتك مثل دكتورتي تنط المحاظرات وما تشرحها نبهيها وخليها تشرحها لانو انتي
اللي حتختبري مو هيه.....



انجليزي....English
ماأقدر اقولكم ذاكروا من الكتاب لان الاختبار مو منو ...لكن استفيد من الكتاب من ناحيه الكلمات
الجديده يعني خلي معك دفتر تكتب فيه كل كلمات جديده وخصص يوم تراجع في دي الكلمات
لازم تتعرف على كلمات جديده تحفظها ... آكيـــد ماحيجي الاختبار في الكلمات اللي بس تعرفها
واخونا ثامر ماقصر نزل مواقع للانجليزي مره حلوه .....وانصحكم بدا الموقع مره حلو خاصه اذا تبغى تزيد عندك محصول الكلمات ولا تفتحوا وتتصفحوا كذا....لا.. خلي معك دفتر واكتب فيه الكلمات الجديده وراجعها
تعليم مفردات اللغة الإنجليزية للعرب
http://iteslj.org/v/a/




اتمنى اني افدتكم.................بالتوفيق................دعو اتكم