[دموووع الندم]

وي قلنالكم خليهم يرتاااااااااحو بلا جامعه بلا هم

المفروض يسوو اخلاء لجده كلها خلال دي الفتره الين ماتهجد الاوضاع مو دوامات كمان والله شي مرا يخوف بس انتو متهاونين فيه باللهي مين كان يتخيل الي صار لمن جا السيل الله يرحم الي ماتو ويعوض الي خسرو ويخفف عليهم مصيبتهم

وعني انا والله مني بايعه نفسي عشان اروح الجامعه الاسبوع الجاي وبعدين لاقدر الله لو صارت مصيبه واحنا في الجامعه حنموت حنموت يا غرق ولا دعس من الزحمه عشان كدا خليكم في بيتكم أامنلكم والله لمن يصير عندكم بلد كويسه وتشوفولكم حل فيها محنا اقل من غيرنا عشان تهملونا وتسوو بحيره الزفت دي لمن تتصرفو في الوضع دا وتصححوه ساعتها نداوملكم والله الواحد قاعد ويدو على قلبو لا ويقولو انو في احتمال يجي مطر ويقولو انو مرا قووووي واقوى من اول يعني رحنا وطي والله يستر علينا بس ويرحمنا ويعطيكم الف عافيه