السلام عليكم
كيف حالكم :$ ترا يوه أول مره أخش القسم دا يعني شويا شويا عليا .. المهم
أنا دحين أدرس إعلام مستوى 3 لسه .. و إن شاءلله في حال خلصت و اتخرجت ناويه أكمل ماستر برا .. بس التخصص ما قررت بس أتوقع شي يخص الأعلام و الدعايه والإعلان ..
انا أسمع عن حاجه إسمها الخطه الخامسه أو شي زي كدا و إنها أنتهت و قفلو البعثات و سارت للتخصصات الطبيه و مدري ايش
.ايش الكلام دا :s
أسئلتي ::
1- هل بعد سنتين ممكن يفتحوا أبواب البعثات للماستر ؟
2 - كم مدة الدراسه :$ ؟ > أحسو سؤال بايخ بس مشوولي
3 - صحيح إن شروط الماستر أسهل من شروط البكالوريس ؟ و ايش هيا الشروط يعني المعدل و كدا ؟ و هل في صعوبه و أحتاج واسطه و من دا الكلام ولا عشانها ماستر رح تمشي بسهوله ؟
ياريت تفيدوني لأني أحس هرجة البعثات و شروطها و إغلاقها و فتحها ماهي راضيه تنفهم عندي
و شكراً